У суботу 28 студзеня ў Гродне прайшоў пяты па ліку турнір Беларусі па айсштоку. Спаборніцтвы, якія прайшлі на адкрытай лядовай пляцоўцы на БЛК сабралі аматараў і знаўцаў незвычайнай гульні з Гродна, Мінска і Брэста.
Усяго на турніры было прадстаўлена 6 каманд. Гродзенцы, як гаспадары спаборніцтваў? выставілі 3 дружыны: дарослую, моладзевую (СШ № 7) і каманду «Валуны», складзеную з супрацоўнікаў мясцовага аддзялення «Белінвестбанка».
Усе ўдзельнікі правялі па пяць годных гульняў. Але поспех у гэты дзень быў на баку больш дасведчаных брэсцкіх каманд. Берасцейцы перамаглі ўсіх супернікаў з Гродна і Мінска. У фінальнай гульні сышліся брэсцкія «Будтрэст № 8» і «Бізоны», першыя і здолелі выйграть турнір.
Трэцяй стала дарослая каманда Гродна, чацвёртае месца дасталася камандзе Мінска, пятае — у моладзевай каманды СШ № 7, Пачаткоўцы турнiру — «Валуны» — занялі шостае месца.
Усiх пераможцаў турніру ўзнагародзілі кубкамі, дыпломамі і медалямі. Таксама каманды-ўдзельніцы атрымалі каштоўныя падарункі і сувеніры ад спонсара спаборніцтваў «Белдзяржстраха».
«Айсшток» пачаў распаўсюджвацца ў паўночных краінах ужо ў 16 стагоддзі. Шмат хто называе яго баварскім кёрлінгам, але паміж імі шмат адрозненняў. У айсштоку, назва якога пайшла ад снарада, які выкарыстоўваецца ў гульні, адсутнічае важны элемент кёрлінгу — так званыя «мяцёлкі». Ды і вага самога снарада значна менш — не больш за 3,9 кг.
Айсшток — камандны від спорту, першапачаткова створаны для гульні на ледзяной пляцоўцы памерам 30 на 3 метра. Гульцы па чарзе кідаюць на лёд шток — спецыяльны спартыўны снарад. Мэта гульні - кінуць снарад так, каб ён, у залежнасці ад разнавіднасці гульні, спыніўся як мага бліжэй да мішэні альбо праляцеў як мага далей.
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…