Выхадныя дрэнна пачаліся для 58-гадовага жыхара Гродна. Мужчына распіваў спіртное ў гасцях у таварыша, старэйшага на адзін год. Той пасля пэўнай колькасці выпітага адправіўся спаць, а пасля абуджэння пазбавіў госця зроку.
Госць вырашыў праверыць, ці ўсё нармальна ў гаспадара. Ён увайшоў у пакой да ўладальніка кватэры і стаў трэсці яго, каб пераканацца, што з ім усё добра. Аднак мужчына не ацаніў клопату. Пасля абуджэння ён накінуўся на госця і стаў яго душыць, а затым пальцамі выціснуў вочы, паведамляе прэс-служба гродзенскай міліцыі.
Пасля падазраваны патэлефанаваў у хуткую і паведаміў пра здарэнне. Лекары правялі пацярпеламу аперацыю, але зрок вярнуць не ўдалося.
Пры гутарцы з праваахоўнікамі падазроны растлумачыў, што яму сніўся сон. У сне яго збівалі некалькі чалавек. А калі прачнуўся і яго трос таварыш, ён нават не зразумеў, што знаходзіцца ў рэальным свеце. Дрэнны сон падазраванага павярнуўся сапраўдным кашмарам для пацярпелага.
Падазраваны затрыманы, у дачыненні да яго ўзбуджаная крымінальная справа па ч.1 арт.147 Крымінальнага кодэкса — «Наўмыснае прычыненне цяжкага цялеснага пашкоджання».
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…