Напярэдадні Дня нараджэння «Байцоўскага клуба» ў Моладзевым цэнтры «Гродна» 30 лістапада адбылося ўрачыстае ўшанаванне і ўручэнне ўзнагарод гродзенскім спартсменам, якія паказалі добрыя вынікі ва ўсходніх адзінаборствах на працягу 2016 года.
Сярод узнагароджаных былі вядомыя прадстаўнікі клуба Дзмітрый Варац і Улад Ядэшка, якія нядаўна вярнуліся прызёрамі з чэмпіяната Еўропы.
Гродзенскі «Байцоўскі клуб» адкрылі ў будынку кінатэатра «Кастрычнік» 1 снежня 2014 года. Аб’ект абсталяваў «Гроднааблкінавідэапракат» у рамках праекта «100 ідэй для Беларусi». За два гады існавання ў сценах «Байцоўскага клуба» былі выхаваны байцы, здольныя выступаць на міжнародных спаборніцтвах з добрымі вынікамі. Зараз тут займаецца каля 200 чалавек.
Клуб i спартсменаў павіншаваў генеральны дырэктар «Гроднааблкінавідэапраката» Юры Аляксей.
«Мы ўжо не першы раз ушаноўваем лепшых у Моладзевым цэнтры. Зусім нядаўна нашы хлопцы паспяхова выступілі на чэмпіянаце Еўропы, таксама на працягу года была вялікая колькасць перамог на розных спаборніцтвах. Калi ёсць вынiк, значыць клуб развіваецца ў правільным кірунку».
Для спартсменаў зладзілі святочны фуршэт і падрыхтавалі сюрпрыз — гульню ў гольф.
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…