Другое месца ў занальным этапе конкурса «100 ідэй для Беларусі» заняў праект «Азбука маленькага беларуса» ад пярвічнай арганізацыі БРСМ Гродзенскага каледжа тэхнікі, тэхналогій і дызайна. Галоўная ідэя азбукі - спалучыць нацыянальныя вобразы, дзяржаўную сімволіку, фальклор і вершы беларускіх паэтаў.
«Спачатку азбука распрацоўвалася для аднаго з конкурсаў, што праводзіць БРСМ, — расказвае дызайнер праекта Наталля Катовіч. Азбука спадабалася гледачам і журы. Спецыялісты параілі паказаць праект на больш высокім узроўні і ўзяць удзел у конкурсе «100 ідэй для Беларусі».
Пакуль азбука складаецца з асобных старонак. На кожнай з іх — літара, адпаведны малюнак і невялікі верш. Літары азбукі падобныя да вясёлых чалавечкаў - з вочкамі, ручкамі ды ножкамі. З такімі літарамі маленькія беларусы абавязкова захочуць пазнаёміцца і пасябраваць, мяркуе Наталля Катовіч. Яна выкладае ў каледжы чарчэнне і інжынерную графіку. Досвед працы ў графічных рэдактарах аказаўся карысным у працы над азбукай.
Літаратурную частку праекта дапамагла стварыць філогаг-беларусавед Галіна Сарокіна. Над афармленнем дызайнерка працавала разам з выкладчыцай эканомікі Надзеяй Сцяпурай. Дарэчы, дзеці Надзеі, пяцігадовая дачка і сын-школьнік, сталі аднымі з першых маленькіх беларусаў, што пабачылі і ацанілі азбуку. Дачка зацікавілася малюнкамі, а сын знайшоў некалькі вершаў на пазакласнае чытанне.
Бізнес-план праекта прадугледжвае магчымасць выкарыстання азбукі як лічбавага сродка навучання, альбо ў якасці сродка папулярызацыі мовы на білбордах горада. Калі праект атрымае далейшую падтрымку і для яго знойдзецца інвестар, азбука можа быць выдадзена асобнай кніжкай. Але гэта яшчэ вельмі далёкія перспектывы. У бліжэйшых планах стваральнікаў азбукі - падрыхтоўка да абластнога этапу конкурса, што пройдзе ў Гродне ў снежні.
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…