Выхадныя ў Друскеніках. Дзе (і чаму) варта правесці бліжэйшы ад Гродна замежны ўікэнд

Цяпер падарожжа за 40 кіламетраў у Друскенікі зусім не тое, што за тыя ж 40 кіламетраў, напрыклад, у Скідзель. Цяпер гэта самае блізкае ад Гродна замежжа. А яшчэ - адзін з самых простых і камфортных спосабаў аздараўленчага і пазнавальнага адпачынку.

Як прыходзіць цяпло, так і хочацца рушыць у падарожжа. І лепш за ўсё ў такое, дзе можна дакрануцца да экзотыкі і абярнуцца за выхадныя. Для такой паездкі Друскенікі і наваколлі горада падыходзяць найлепш. З XVIII стагоддзя гэты горад прэтэндуе на ролю "летняй сталіцы" не толькі Панямоння або Літвы, але і цэлай Еўропы.
А ў нашы дні ён афіцыйна прызнаны чэмпіёнам па прыцягненні еўрапейскіх інвестыцый. Якія месцы маленькага горада зробяць на падарожнікаў найбольшае ўражанне і чаму гэта месца годна цэлых выхадных, Hrodna.life правярае на ўласным вопыце.

Едзем на поўдзень... Літвы

Даехаць да Друскенік з Гродна - справа не складаная. Ад аўтавакзала ідуць маршруткі і аўтобусы. Калісьці гарады злучала яшчэ і чыгунка. Яе пабудавалі ў 1934 годзе і выкарыстоўвалі да пачатку 2000-х, а потым разабралі. Але самы прыдатны варыянт - паехаць аўтамабілем.

Ездзіць у Друскенікі "на воды" стала модна з 1793 года, калі горад атрымаў статус курорта. Падставай для гэтага сталі высновы асабістага лекара караля Станіслава Аўгуста Панятоўскага. Доктар пацвердзіў лекавыя ўласцівасці мясцовых мінеральных крыніц. Палітычныя змены курортнаму мястэчку не перашкаджалі. Праз сто гадоў, у 1837 годзе, па загадзе рускага цара Мікалая I, тут пачалося будаўніцтва новых курортных пабудоў.
Зараз аквапарк у Друскеніках - адзін з самых вялікіх у Еўропе. Яго плошча - 23000 квадратных метраў. Толькі працягласць водных горак тут - 600 метраў. Сярод іх - самая доўгая горка ў Літве - 212-метровыя "Бярмуды". Акрамя таго, у аквапарку ёсць яшчэ і 20 розных лазняў.

Аквапарк, або прывітанне ад капітана Відавочнасць

У аквапарку аднолькава цікава можна правесці і некалькі гадзін і целы дзень. Але калі раптам цягне далей у падарожжа, то можна смела пакідаць яго межы – на сушы таксама сумаваць не прыйдзецца.

Аквапарк, або прывітанне ад капітана Відавочнасць

Таму многія прыходзяць на поле нарцысаў не адзін раз у дзень. Нават ноччу кветкавая паляна не пустуе. Але самым папулярным месцам з надыходам цемры становіцца святло-музычны фантан.

Гатэль: тут можна жыць сто гадоў

Best Baltis Druskininkai Central - гатэль, пра які можна коратка сказаць двума словамі - сто гадоў. Чуецца ў гэтым і пажаданне здароўя, і канстатацыя факту. Будынак пабудаваны ў пазамінулым ужо стагоддзі і менавіта тут у 1909 году адкрылі першую ў горадзе гасцініцу. Атэльерамі сталі бацькі вядомага скульптара Жака Ліпшыца. Дарэчы,
яго бюст усталяваны насупраць гатэля і былы гаспадар штодня вітае гасцей і запрашае наведаць свой музей. Яшчэ ў гэтым будынку быў калісьці першы ў горадзе Цэнтр здароўя.

У 2007 годзе пасля рэстаўрацыі тут зноў адкрылі гатэль. Пра тое, што драўляным дзвярам споўнілася больш за сто гадоў, а адліваныя балясы памятаюць першых гаспадароў, цяпер гавораць з гонарам. Захавала актуальнасць і першая назва гатэля - "Central". Адсюль і цяпер каля пяці хвілін ходу да аквапарку або музея Чурлёніса, цэнтральнай алеі ці парку адпачынку. Побач ёсць таксама тэнісныя корты, веладарожкі і пляж.

А яшчэ ад першых крокаў у гатэлі гасцей ціха суправаджае музыка. Тут гучаць арыі і рамансы ў выкананні літоўскага опернага спевака мінулага стагоддзя - Антанаса Шабаняўскаса.

Прыемным падарункам для гасцей гатэля стане і зніжка на квіткі ў аквапарк, Снежную Арэну і аздараўленчыя ўстановы горада.

Тут мы спыняемся пераначаваць, каб на наступны дзень працягнуць падарожжа па ваколіцах Друскенік. Уключаны ў кошт пражывання сняданак матывуе прачнуцца раніцай лепш, чым будзільнік.

Гатэль: тут можна жыць сто гадоў

Гатэль: тут можна жыць сто гадоў

У параўнанні з Гродна бясконца здзіўляе стаўленне мясцовых жыхароў да драўлянай архітэктуры. Маленькія домікі і двух-трохпавярховыя вілы з дрэва тут такія дагледжаныя і дарэчныя! Карункавыя аканіцы, упрыгожаныя разьбой дзверы, фігурныя балясы прыступак - усё дагледжанае і прыгожае. Гэта стварае асаблівую цеплыню і ўтульнасць горада.
Хоць узрост друскеніцкіх драўляных пабудоў наўрад ці большы за гродзенскіх, тут нікому не прыходзіць у галаву знесці домікі, каб пабудаваць у цэнтры які-небудзь жалеза-бетонны хмарачос. А вось тыпова-савецкай забудовы ўжо амаль не відаць. Адны будынкі прайшлі рэнавацыю, іншыя, як былы санаторый "Нёман", яшчэ чакаюць свайго інвестара, пабліскваючы выбітымі вокнамі.

Горад з драўлянай душой

Любоў жа да дрэў і да дрэва тут адчуваецца паўсюдна. Хвоі ў горадзе ствараюць проста неверагодную атмасферу курорта і адпачынку. Таму цяжка правесці мяжу - дзе канчаецца горад і пачынаецца лес.

Яны пераплеценыя адно з адным і да паху сасновай жывіцы прымешваецца часам пах кветак з кветнікаў ці кава са шматлікіх кавярняў і рэстаранчыкаў.

Горад з драўлянай душой

Горад з драўлянай душой

Май

Дзень вулічнай музыкі — 18 мая, Дзень Еўропы — 11 мая, 25 мая — праграма «Путь М.К. Чурлёніса».
31 мая — 2 чэрвеня – самае галоўнае свята года Дзень курорта Друскінінкай

Чэрвень

Сусветны дзень СПА — 8 чэрвеня. Турнір кандытараў і марафон «100 тортаў да 100-годдзя Літвы» — 22 чэрвеня
Свята Купалля — 23-24 чэрвеня
Таксама пачнецца фестываль класічнай музыкі «Лета с М.К. Чурлёнісам»

Ліпень

Пленэр «Метамарфозы солі», міжнародны тэатральны фестываль і 15 ліпеня — свята экстрэмальных відаў спорту HolyPine 2019

Жнівень

Свята фальклору «Дайнова» і фестываль сыру — 10−11 жніўня. У канцы месяца – сусветная выстаўка сабак

Над праектам працавалі


Графічны дызайн і распрацоўка


Ідэя і кіраўніцтва праектам

Ірына Новік, Анатоль Новік


Воля Новік


Ірына Новік