Надзея прыбраць з дарог Мінска соль і пясок з'явілася ў 2013 годзе, калі камунальнікі і дарожныя службы пачалі ўкараняць рэагент на аснове адходаў цукровай вытворчасці. Ён быў дарагі, пасыпалі ім толькі цэнтральныя вуліцы і некаторыя двары. Эфект апынуўся добрым, але потым размовы пра салодкія пасыпкі сціхлі.
Пісалі, што салодкі рэагент прыйшоўся не да спадобы ці то з-за цаны, ці то з-за сваёй ліпкасці.
Як аналаг у краіне разглядалі расолы з азёр пад Мазыром. Па сутнасці, гэта - канцэнтраваны солевы раствор. Ён эфектыўна плавіць лёд і снег. Але праблема ў іншым. Каб выкарыстоўваць новы рэагент, трэба было б перааснасціць усё тэхнічнае абсталяванне ў краіне.
Таксама разглядалі варыянт выкарыстання шчэбню. Але
Сяргей Кабак з «БелдарНДІ» кажа, што і гэта не самая ўдалая прапанова: «У краінах Скандынавіі пасля некалькіх гадоў выкарыстання ад яго адмовіліся з-за праблем з каналізацыяй і ліўневай сістэмай. Акрамя таго, трэба ўлічваць нюанс: выкарыстанне шчэбню прадугледжвае шматразовае выкарыстанне матэрыялу. У гэтым выпадку сабраць яго з дарожнага пакрыцця, дзе ёсць бардзюр, яшчэ магчыма, чаго не скажаш пра загарадныя аўтамабільныя дарогі з грунтавымі абочынамі».
ГП «БелдарНДІ» рэгулярна праводзіць доследы па ацэнцы эфектыўнасці прымянення розных супрацьгалалёдных матэрыялаў.
- Адбывалася выпрабаванне матэрыялу на аснове адходаў віцебскага даламітавага камбіната, з дапамогай апрацоўкі кіслатой, - кажа прадстаўнік «Гаррамаўтадара»
Алег Лукашэнка пра беларускія эксперыменты. - Але там шмат паўстала скаргаў у людзей. Па-першае, пры раскладанні ўтворыцца крэйда і псуецца абутак. І спецыфічны пах стаяў пры вырабе. Ды і кошт там...
Было выпрабаванне з ужываннем меласы. Гэта калі дадаецца рэагент ў галіт маркі А, парадку 5%. Здольнасць растапіць снег павышалася ў 1,5 разы, пры гэтым кошт матэрыялу з даданнем меласы ў 5 разоў перавышае кошт галіту. Прыйшлося адмовіцца, - канстатуе суразмоўца. У лісце з міністэрства транспарту і камунікацый гаворыцца, што меласа паказала нязначны антыкаразійны эфект і значны рост выдаткаў.