Размовы пра перавагі ровара як альтэрнатыўнага віду транспарту звычайна заціхаюць з прыходам маразоў. Але ў Гродне хапае людзей, якія працягваюць ездзіць і ў такое надвор’е. Веламеханiк з гродзенскай майстэрнi «Игуана» расказаў Hrodna.life пра тое, што трэба ведаць кожнаму аматару зімовых пакатушак.
Наш эксперт — веламеханiк Аляксандр Сыраватка, які не толькі рамантуе ровары, але і сам ездзіць на гэтым транспарце круглы год.
На ровары ў халоднае надвор’е можна і трэба ездзіць. Мне зімой заўсёды прыемна катацца. У кампаніі гродзенскіх веласіпедыстаў ёсць чалавек 20, якія ездзяць круглы год.
Для язды ў зімовы перыяд патрэбна адмысловае велаадзенне. Апранацца трэба пластамі (мембранныя непрадувальныя, але адводзячыя вільгаць курткі, джэрсі з флiса, тэрмабялізна, непрадувальныя спераду ласіны, добрыя непрадувальныя пальчаткі). На ногі добры абутак i бахілы, абавязкова акуляры, а пры марозе ад -7 на галаву балаклаву або маску.
Усялякія пухавікі, дублёнкі і лыжныя курткі не рэкамендуецца выкарыстоўваць для язды на ровары зімой. Пры яздзе чалавек пастаянна грэецца, а гэтыя віды верхняй вопраткі не выводзяць лішкі цяпла і вільгаці наверх — чалавек увесь мокры варыцца ў гэтым пухавіку, а спыніўшыся ўвесь мокры хутка пачынае замярзаць.
Для зімовай язды трэба добра падрыхтаваць ровар — замест слiкаў паставіць гуму пазубацей, ёсць нават з шыпамі. Пры частай яздзе па апрацаваных соллю і пяском ходніках ланцуг за адну-дзве паездкі забіваецца пяском і соллю. Трэба ўсё абавязкова змываць, ланцуг чысціць і змазваць пасля кожнай такой паездкі, інакш проста заіржавее. Рамы алюмініевыя, ім іржа не пагражае.
Я раю ў зімовы час колы крышку прыспусціць каб павялічыць плошчу счаплення. Тратуары ў нас больш-менш чысцяць, так што можна спакойна ездзіць. Пры яздзе па снезе і лёдзе галоўнае не рабіць рэзкіх рухаў рулём, рэзкіх паваротаў, перадачу падбіраць нецяжкую, каб не круціць з высілкам і дапускаць прабуксоўку задняга кола. Тармазіць пажадана заднім тормазам, не рэзка і раней да перашкоды, чым пачыналі тармазілі летам. На прамых участках можна і абодвума тармазіць, у паваротах толькі заднім.
На роварах з абоднымi тармазамі ёсць свае нюансы — тармазная паверхня на вобадзе можа абмярзаць або пры яздзе па снезе пакрывацца снегам. Для ачысткі пажадана часта падтармажваць («прапальваць калодкі») і правяраць тармажэнне. З дыскавымі таксама трэба час ад часу «чысціць ротары» тармажэннем.
Згодна з ПДР забаронена перамяшчацца на ровары ў снегапад і галалёдзіцу. Зараз узмацнілі меры і могуць сапраўды аштрафаваць за такое. Але я катаюся ўжо з 2006 года. Ездзіў і ў моцныя снегапады па горадзе — супрацоўнікі ДАІ не звярталі ўвагі, абы на праезную частку не вылазіў. Думаю, трэба выходзіць з зоны камфорту, адкідаць стэрэатыпы, што ровар гэта толькі летам у Пышкі пракаціцца.
Зімовая язда нават лепшая за летнюю — раз паспрабаваў і ўсё, гатовы новы ўсесезонны веласіпедыст. Бо ў нас большасць быццам выключаецца з нармальнага жыцця ў зімовыя месяцы — у машынах гэтых сядзяць захутаўшыся.
Дарэчы, у Гродне набіраюць папулярнасць фэтбайк ровары на тоўстых колах. На іх вельмі зручна ездзіць у зімовае надвор’е.
Как покрасить яйца необычно? Из фиолетовой капусты можно получить изумрудный цвет, из вина получаются яйца,…
Беларускім студэнтам пачалі адмаўляць у візе для вучобы за мяжой. Тэрміны, на якія віза выдаецца,…
Каля 600 зваротаў, адпраўленых гродзенцамі або звязаных з Гродна, ёсць у базе зваротаў у КДБ.…
Гістарычны канал Hrodna 11:27 працягвае пераказваць, што пра жыццё ў Гродне пісала мясцовая газета "Echo…
У Гродне можна купіць некалькі бізнес-цэнтраў, запоўненых арандатарамі. Сярод іх - былое чыгуначнае дэпо пачатку…
Як выглядала жыццё ў Гродне стагоддзе таму? Даведацца пра падзеі і клопаты штодзённасці можна са…