Летась у Літве беларусы сталі самымі частымі гасцямі, абагнаўшы па колькасці палякаў і расійцаў. Беларусы ў Літву едуць па закупы, на мора, экскурсіі і… на канцэрты! Восень 2018 не выключэнне. 7−8 верасня ў Вільні пройдзе Loftas Fest. Чаму Loftas нельга назваць чужым для Беларусі і чым ён адрозніваецца ад уласна беларускіх фэстаў?
У перыяд сумнавядомых «чорных спісаў» беларускія музыкі часта ладзілі канцэрты за мяжой, у тым ліку ў Вільні, куды беларусам можна дабрацца хутка і без праблем. Тут пад руку падвярнуўся клуб Loftas — менавіта там некалі даў буйны канцэрт гурт «Крамбамбуля».
Там жа, на адкрытай пляцоўцы Loftas, развітальны канцэрт у 2014 даваў і «Ляпис Трубецкой», які, дарэчы, у далёкім 1998 годзе выступаў на афіцыёзным «Славянскім базары».
Параўнайце гэтыя два Ляпісы з розніцай у 16 гадоў!
www.youtube.com/watch?v=-QNYLDp4AvI
www.youtube.com/watch?v=g8n-6gqCg18
Дарэчы, Сяргей Міхалок вярнуўся на сцэну ў Беларусі толькі ў 2016 годзе і ўжо з новым гуртом Brutto.
Некаторыя беларускія больш афіцыёзныя фестывалі наведвае нават кіраўнік нашай дзяржавы. А вось прэзідэнтка Літвы Даля Грыбаўскайце на фестывалі Loftas заўважана не была.
Таму і музыка там не залежыць ад густаў палітыкаў. А гэта значыць на пляцоўках Loftasa вы ніколі не пачуеце Верку Сярдзючку, Аляксандра Саладуху ці Мікалая Баскава.
І калі вы чалавек цалкам апалітычны апалітычны, то гэты фестываль дакладна для вас.
Фестывалі з некалькімі сцэнамі ў Беларусі здараюцца, але каб адразу з пяцю — такога ў нас яшчэ не было. А на Лофтасе іх акурат столькі.
Ёсць галоўная сцэна з хэдлайнерамі (Metronomy з Вялікабрытаніі, якіх вы можаце нават не ведаць, але яны ад гэтага не менш крутыя), сцэна ад панеўрапейскага праекта Europavox (там выступяць беларускія Super Besse і Bakey x Kakora), цэлых дзве сцэны новых праектаў «What's next in music?», дзе таксама будуць беларусы Weed&Dolphins, а таксама шмат цікавых літоўцаў, ды іншыя месцы, дзе можна пачуць музыку.
Вялікая разнастайнасць гатункаў - адметная рыса Loftas. У той час, як у Беларусі часцей здараюцца монагатункавыя фестывалі, у Вільні стараюцца даць шырокі агляд актуальнай музыкі. У нечым падобны па задумцы быў беларускі Mirum, але яго сёлета адмянілі. Добра, што Вільня так блізка.
Конкурсу маладых выканаўцаў, як на беларускіх фэстах, на Лофтасе няма, затое ёсць шоўкейс — з’ява пра якую ў Беларусі пакуль не надта і чулі. На гэтай частцы фестывалю маладыя гурты могуць заявіць пра сябе і, калі пашанцуе, на іх зверне ўвагу які-небудзь прадзюсер. З Беларусі сёлета ў шоўкейсе удзельнічае цікавы мінскі клаўд-панк-гурт Weeds&Dolphines, але калі вы ўважліва чыталі вышэй пра розныя сцэны, то вы ўжо ў курсе.
У Беларусі яшчэ толькі пачынаюць пашырацца фестывалі, што аб’ядноўваюць шмат актыўнасцяй. А Loftas гэтым займаецца даўно. Тут, акрамя музыкі, ёсць і начныя кінапрагляды, і выставы сучаснага мастацтва, і кірмаш вінілу (папоўніце калекцыю!) і цэлы дворык стрыт-фуду. Вы ўжо абыйшлі ўсе гродзенскія фудтракі? Самы час даследаваць віленскія!
Асноўны пасыл Лофтаса — тое, што гэта на 100% urban-фэст. З гэтага вынікае і падбор музыкаў, і мастакоў, і ўсе іншыя актыўнасці. Ніводнага так моцна сканцэнтраванага на гарадской культуры фестывалю ў Беларусі вы пакуль не знойдзеце, хаця і ў нас яны паціху пачынаюць з’яўляцца.
ТАА Ірвінга Група
УНП 191 751 509
Как покрасить яйца необычно? Из фиолетовой капусты можно получить изумрудный цвет, из вина получаются яйца,…
Беларускім студэнтам пачалі адмаўляць у візе для вучобы за мяжой. Тэрміны, на якія віза выдаецца,…
Каля 600 зваротаў, адпраўленых гродзенцамі або звязаных з Гродна, ёсць у базе зваротаў у КДБ.…
Гістарычны канал Hrodna 11:27 працягвае пераказваць, што пра жыццё ў Гродне пісала мясцовая газета "Echo…
У Гродне можна купіць некалькі бізнес-цэнтраў, запоўненых арандатарамі. Сярод іх - былое чыгуначнае дэпо пачатку…
Як выглядала жыццё ў Гродне стагоддзе таму? Даведацца пра падзеі і клопаты штодзённасці можна са…