«Аддайце дом і мы выратуем яго». Сям’я гродзенцаў хоча захаваць драўляныя дамы ў Новым Свеце

Гарадскія ўлады рыхтуюць драўляныя дамы па вуліцы Міцкевіча пад продаж з умовай зносу — на іх месцы павінны з’явіцца будынкі грамадскага прызначэння. З гэтым не згодная сям’я Пуцілоўскіх. Дзмітрый Пуцілоўскі хацеў бы купіць адзін з дамоў і яго ўпарадкаваць.

На Міцкевіча выстаўлены на аўкцыён участак з дамамі №№ 5, 7, 7а і 9. Іх усе прапануюць знесці дзеля новай забудовы.

---

«Такую красоту надо ценить». Почему фотографка снимает молодожёнов в атмосфере Нового света

---

Сям’я Пуцілоўскіх даведалася аб зносе з інтэрнэту і вырашыла ўбачыць дамы на ўласныя вочы, каб пераканацца, ці апраўданыя дзеянні ўладаў.

«Так, стан дамоў сёння не вельмі добры. Але яны цалкам прыдатныя для таго, што б іх аднавіць і выкарыстоўваць, — распавядае Дзмітрый Пуцілоўскі. — Гэта наша гісторыя і тое, што можна будзе з гонарам паказаць дзецям праз 50 гадоў. Паспрабуйце адшукаць яшчэ такія дамы. Хіба можна ганарыцца тым, што сёння будуюць? Напрыклад, панэльныя дамы. Дакладна не. Драўляныя дамы ў цэнтры горада выклікаюць павагу і гонар. Няхай паспрабуе хто-небудзь сёння паўтарыць гэты будынак: упэўнены, што не атрымаецца».

---

Теряем наше наследие: гродненцев призывают писать в горисполком в защиту домов в Новом Свете

Дзмітрый адзначае, што з вялікім задавальненнем жыў бы з сям’ёй у адным з пустых дамоў на Міцкевіча і паступова аднаўляў бы яго. Але ёсць праблема: дамы прадаюцца выключна пад знос.

«Вядома, тут трэба прыкласці руку, і на ўсё патрэбны час. За мінімальную суму я ўзяў бы дом. Са сваімі сродкамі ў мяне б рэстаўрацыя расцягнулася гадоў на 10. Калі б знайшоўся інвестар, усе працы можна зрабіць за 3 гады. Пры гэтым можна пакінуць пабудову ў арыгінальным выглядзе».

---

«Во всей Европе сохраняют такие дома». Туристка из Сингапура о сносе старых построек в Новом Свете

---

Дзмітрый згодны, што ў горадзе ёсць зусім шараговыя пабудовы, «халупы і адрыны», якія сапраўды трэба зносіць. Але дамы на Міцкевіча — «пабудовы з ідэяй», якія з’яўляюцца сэрцам горада.

«Калі мы будзем пастаянна зносіць і зносіць, то што ў будучым будзем паказваць дзецям і турыстам? Я не згодны, што ў Новым Свеце трэба разбураць драўляныя дамы. Я прыйшоў і пераканаўся ў гэтым. У мяне звычайная сям’я, але мы гатовыя засяліцца ў адзін з дамоў, укласці ў яго душу і сваю працу».

Сям’я Пуцілаўскіх шмат падарожнічае па Еўропе і часта спыняецца ў хостэлах, якія створаны на базе старых дамоў. Цяпер сям’я будуе ўласны дом недалёка ад Гродна.

«Вопыт у будаўніцтве ў нас з жонкай ёсць. Што тычыцца дома на Міцкевіча, 9, які нам спадабаўся, то першыя высновы такія: пабудову трэба трохі прыпадняць і абавязкова папрацаваць з падмуркам. Потым можна займацца ўсім астатнім. А калі б у мяне спыталі: што б я тут змяніў, я б адказаў: нічога акрамя даху. Усё знешняе і ўнутранае ўбранне можна аднавіць. Аддайце нам дом і мы выратуем яго».

Гарадскія ўлады маюць намер правесці аўкцыён па продажы ўчастка 28 мая.

Журналіст Hrodna.life разам з гісторыкам Мечыславам Супронам 10 красавіка пабываў у гарвыканкаме на прыёме ў старшыні Мечыслава Гоя. Ён паабяцаў даць старым пабудоў яшчэ адзін шанец і выставіць на аўкцыён у пошуках новага ўладальніка. Але выйшла наадварот — каштоўныя драўляныя пабудовы ў Новым Свеце рыхтуюць да зносу.

Паводле ўмоваў аўкцыёну, забудоўшчык зможа пабудаваць будынак грамадскага прызначэння, 2−3-павярховы, магчыма з мансардным паверхам, з памяшканнямі адміністрацыйнага, гандлёвага, бытавога прызначэння, гасцінічнымі нумарамі. Плошча ўчастка — 20 сотак. У доме № 7а, які таксама хочуць знесці, яшчэ жыве сям’я.

Таргі пачнуцца з 24,3 тысяч рублёў. Будучага ўладальніка на этапе зносу чакаюць дадатковыя фінансавыя выдаткі: паводле падлікаў спецыялістаў гарвыканкама, арыентыровачны памер страт на дэмантаж старых дамоў - каля 467 тысяч рублёў.

Даведка

Вуліца Міцкевіча ўтварылася ў другой палове XIX стагоддзя. На плане горада 1882 года яна ўжо пазначаная, але яшчэ не мае назвы, а вось на карце 1900 года вуліца называецца Сувораўскай. Да пачатку Першай сусветнай вайны яна насіла імя рускага палкаводца. З другой паловы 1920-х гадоў яна называлася вуліцай Міцкевіча. З прыходам савецкай улады ў Гродне за вуліцай захавалася імя Міцкевіча, зацверджанае рашэннем гарвыканкама 15 студзеня 1940 года.

Вуліца ўваходзіць у раён Новы свет. Сёння ад калісьці ўнікальнага раёна захавалася ўсяго некалькі каштоўных пабудоў. Сярод іх дамы № 7 і 9, якія былі пабудаваныя ў стылі рускага мадэрну. У іх ужо 5 гадоў ніхто не жыве.