Карты з фабрыкі Лапіных пачыналіся з сямёркі, а ў кожнай калодзе чырвовы туз быў з лагатыпам фабрыкі. Аб 10 самых важных асаблiвасцях даваенных i новых гродзенскіх карт распавёў Hrodna.life прадпрымальнік Антон Янкоўскі, які займаецца iх адраджэннем.
На фабрыцы братоў Лапіных друкавалася шмат розных калод ігральных карт, а сама фабрыка не была адзінай на прасторах міжваеннай Польшчы, але калода «з каралямі», якую мы аднаўляем, — унікальная, бо яна была распрацавана і друкавалася толькі ў Гродне, яна не мае аналагаў.
У каралях калоды вы зможаце сустрэць рэальных гістарычных асобаў: Казіміра Вялікага, Стэфана Баторыя, Жыгімонта Аўгуста, Яна Сабескага.
Дамы і валеты з калоды ўжо не адносяцца да гістарычных асобаў, але кароль, валет і дама адной масці намаляваны ў адной стылістыцы, характэрнай для свайго стагоддзя.
Працягваючы тэму гістарычных асобаў, трэба звярнуць увагу на карты каралёў: над масцю вы заўважыце карону — гэта пазнака таго, што кароль мае свой гістарычны адпаведнік.
[irp posts="22 764″ name="На Ноч у музеі" ў Гродне прэзентавалі тэставую калоду адноўленых карт Лапіных"]
Калода «з каралямі» адносіцца да брыджавых карт. Звыкла яны пачыналіся з шасцёркі, але гэта калода пачыналася з сямёркі. Зараз мы яшчэ шукаем гістарычную абумоўленасць гэтага факта. Што датычыцца аднаўлення карт, то ад сябе мы дадалі ў новую калоду шасцёрку для зручнасці.
У калодзе «з каралямі» прысутнічае джокер. Гэта таксама не зусім звыклая асаблівасць брыджавых карт. Ён вельмі цікавы, і мы яго пакінем у калодзе.
На чырвовым тузе вы ўбачыце лагатып Фабрыкі Лапіных. Ён ставіўся на ўсіх калодах. Мы пакінулі гэту цікавую асаблівасць.
Знайсці адпаведнік каробкі, у якой захоўваліся карты, у нас не атрымалася. Таму каробку мы распрацоўвалі самастойна. Пры гэтым спрабавалі арыентавацца на стылістыку друкаванай прадукцыі тых часоў і вінтажныя вокладкі калод карт розных выдавецтваў. На каробцы мы змясцілі элементы дызайну, запазычаныя непасрэдна з прадукцыі фабрыкі Лапіных: лагатып, віньеткі, шрыфтавыя кампазіцыі.
У камплект з картамі мы мяркуем дадаць невялікую брашурку, якая будзе каротка расказваць гісторыю карт. Брашурка будзе надрукавана на трох мовах: беларускай, англійскай і польскай.
Карты былі знойдзены ў дрэнным стане, таму ўсе персанажы картаў адмалёўваліся ўласнаручна мастаком. Гэта крапатлівая праца дадала картам якасці.
Для нас вельмі прыемна, што карты, якія некалі рабілі гродзенцы, зараз аднаўляюць таксама гродзенцы. Мы, як аўтары, ганарымся такой пераемнасцю пакаленняў.
Падтрымаць выданне ігральных карт можна на пляцоўцы Talaka.by
Беларускім студэнтам пачалі адмаўляць у візе для вучобы за мяжой. Тэрміны, на якія віза выдаецца,…
Каля 600 зваротаў, адпраўленых гродзенцамі або звязаных з Гродна, ёсць у базе зваротаў у КДБ.…
Гістарычны канал Hrodna 11:27 працягвае пераказваць, што пра жыццё ў Гродне пісала мясцовая газета "Echo…
У Гродне можна купіць некалькі бізнес-цэнтраў, запоўненых арандатарамі. Сярод іх - былое чыгуначнае дэпо пачатку…
Як выглядала жыццё ў Гродне стагоддзе таму? Даведацца пра падзеі і клопаты штодзённасці можна са…
Як выглядала жыццё ў Гродне стагоддзе таму? Пра што пісалі тагачасныя журналісты і што чыталі…