Візуалізацыя праекта па добраўпарадкаванні набярэжнай Нёмана. Крыніца: "Пул4 Рэгіён"
Праекты добраўпарадкавання набярэжнай вынесуць на грамадскае абмеркаванне. Сярод ідэй — развадны мост, воднае таксі, сетка кафэ і вадзяны млын. Цяпер прапановы сістэматызуюць, а некаторыя канцэпцыі адсейваюць.
Пра тое, што менавіта гараджанам дадуць выбраць, якой стане набярэжная, старшыня Гродзенскага аблвыканкама Уладзімір Каранік распавёў на сустрэчы ў ГрДУ.
Калі і ў якой форме пройдуць абмеркаванні, пакуль невядома. Раней чыноўнікі абяцалі, што горад атрымае новую набярэжную да 2028 года.
Візуалізацыі прапаноў падрыхтавалі ў інстытуце «Гроднаграмадзянпраект». Частку ідэй унесла моладзь, якая там працуе.
«Іх прапановы, крэатыўнае мысленне ўнесла ў праект дастаткова шмат яркіх ідэй, пачынаючы ад пешаходнага разваднога моста, які ўключаны ўжо ва ўсе асноўныя варыянты праекта і будзе збудаваны», — адзначыў Каранік.
Па тэме: Набярэжная, за якую нам сорамна. Чаму бераг Нёмана дагэтуль не добраўпарадкаваны?
Ідэі для новай набярэжнай мясцовыя ўлады збіралі сярод гродзенцаў у 2023 годзе. Але ў выніку лепшую канцэпцыю тады так і не абралі — нібыта ні адзін з прапанаваных праектаў не адпавядаў умовам. Ідэі гараджан паабяцалі выкарыстаць у выніковым праекце.
У пачатку снежня 2024 года ў аблвыканкаме распавялі пра планы на набярэжную і паказалі візуалізацыі ад «Гроднаграмадзянпраекта». Тэрыторыю ад былога піўзавода да Старога замка плануюць асучасніць: зрабіць двухузроўневыя пешаходныя дарожкі і адкрыць сетку кафэ. Таксама анансавалі развадны пешаходны мост да сквера па вуліцы Леванабярэжнай. Мяркуецца, што побач са скверам з’явяцца паркоўкі, каб людзі маглі пакінуць аўто і, перайшоўшы раку, апынуцца ў гістарычнай частцы горада.
Сярод ідэй, якія агучыў аблвыканкам — стварэнне зон для актыўнага адпачынку: скейтпарку, пляцоўкі для ёгі і экстрэмальных відаў спорту. Ішлі размовы і аб будаўніцтве прычала для воднага таксі.
Чытайце таксама: Якія ва ўладаў планы на набярэжную?
З пачатку студзеня ў канале “ОАО «Гродно Азот» official" пачалі публікаваць пасты і відэа з…
Сайт па продажы білетаў «Атлас» у пілотным рэжыме тэсціруе сістэму дынамічнага цэнаўтварэння, калі кошт білета…
Турыстка з Масквы Марыя наведала Мінск і Гродна ў зімовыя святы. Уражаннямі аб паездцы расіянка…
Праваслаўныя вернікі змогуць акунуцца ў палонку ў гонар Вадохрышча 19 студзеня. Купель будзе на Юбілейным…
Штогод у трэцюю сераду студзеня ў свеце праходзіць акцыя «Дзень музейнага сэлфі», калі наведвальнікі робяць…
Удзельнікаў акцыі "Марафон адзінства" прывезлі ў Ліду, рассялілі і пакармілі. А заплацілі за гэта беларускія…