Навіны

Гродна стаў трэцім у Беларусі. Насуперак агульнаму трэнду

У топе-10 гарадоў Беларусі па колькасці насельніцтва на пачатак 2024 года Гродна заняў трэцяе месца. Зараз у горадзе жыве 361 115 чалавек. Усяго ж насельніцтва Беларусі за год зменшылася на 54 907 чалавек.

Год таму Гродна займаў чацвёртае месца ў краіне па колькасці насельніцтва. Вось як выглядае рэйтынг гарадоў па колькасці жыхароў на 1 студзеня 2024 года:

  1. Мінск — 1 992 862.
  2. Гомель — 501 102.
  3. Гродна — 361 115.
  4. Віцебск — 358 395.
  5. Магілёў — 353 110.
  6. Брэст — 344 470.
  7. Бабруйск — 207 351.
  8. Баранавічы — 171 361.
  9. Барысаў — 135 696.
  10. Пінск — 124 295.

Беларусы мігруюць на захад?

Гродна, Брэст і Ліда — гарады, дзе назіраецца прырост насельніцтва. У Гродне колькасць насельніцтва за год вырасла на 2398 чалавек. Пры гэтым за шэсць гадоў народжаных толькі ў Гродзенскім абласным клінічным перынатальным цэнтры стала менш амаль на 20%. У 2023 годзе ў перынатальным цэнтры нарадзіліся 2875 дзяцей.

У Брэсце насельніцтва вырасла на 2009, у Лідзе за год стала больш на аднаго чалавека. Ва ўсіх астатніх буйных гарадах Беларусі, нават у Мінску, назіраецца скарачэнне колькасці насельніцтва. У Беларусі колькасць жыхароў стабільна падае з 1994 года і зараз складае 9 200 617 чалавек. У 1994 годзе ў краіне жыло 10 243 506 чалавек, і да гэтага насельніцтва расло.

Гродна — горад для жыцця

Некалькі гадоў Гродна застаецца ў топе найлепшых гарадоў для жыцця па выніках даследавання «Цэнтра новых ідэй». Па выніках 2022 года Гродна ўтрымліваў другое месца сярод гарадоў Беларусі з найбольш устойлівым і пры гэтым дынамічным жыццём. Праўда, вылецеў з дзясяткі гарадоў з найлепшай эканамічнай сітуацыяй і патрапіў у антылідэры краіны па рэпрэсіям у дачыненні гараджан. Жыхары Гродна лепш за ўсіх у Беларусі ведаюць англійскую мову.

Падзяліцца

Апошнія запісы

Да двух сутак. Як беларусы стаяць у чэргах на мяжы 9 траўня

У пачатку вялікіх выхадных у Беларусі чэргі на мяжы зноў выраслі - на гэты раз…

9 мая 2024

Нешта пайшло не так: у Гродне закрываюць бар VIP, які толькі адкрыўся

У Гродне закрываецца "VIP bar" на Дзяржынскага, 8А - не прапрацаваўшы і двух месяцаў. Ён…

9 мая 2024

Краму «АвтоЗапчасти» ў Гродне зноў хочуць збанкруціць. Гаспадар скардзіўся на АМАП

Фірму-уладальніка крамы "АвтоЗапчасти" ў Гродне, ТАА "Рукша", зноў хочуць збанкруціць. Банкруцтва хочуць прызнаць праз эканамічны…

8 мая 2024

На літоўска-беларускай мяжы затрымалі два Tesla Cybertruck: падазраюць, што іх везлі ў Расію

Два новенькія электрычныя пікапы Tesla Cybertruck 2023 года выпуску затрымалі літоўскія мытнікі 7 траўня ў…

8 мая 2024

Пад Беняконямі можна набыць запраўку і гатэль. Прадавец нечаканы — «Беларускае марское параходства»

Будынак запраўкі “Газпрамнафты”, а таксама матэль і кафэ ля самай беларуска-літоўскай мяжы прадаюць з аўкцыёну.…

8 мая 2024

Пенсіянерка Аляксандра Ханевіч стала «экстрэмісткай». А з ёй — яшчэ тры гродзенкі

"Каманду Латушкі і Рух "За Свабоду" 8 траўня прызналі экстрэмісцкім фармаваннем. У ліку адказных за…

8 мая 2024