Фота: Urban Hrodna
Гродзенскі начны клуб «Эпалет» абвясціў аб развітальных вечарынках пасля амаль 25 гадоў працы. Клуб закрываецц ў сувязі з продажам будынка Дома афіцераў, у якім ён знаходзіўся. Паглядзелі, якім яго запомняць гродзенцы.
Развітальных вечарынак запланавалі некалькі: 23, 24, 29 і 30 верасня. У Гродне клуб вядомы сваёй неадназначнай рэпутацыяй.
«О, якія эпічныя бойкі даводзілася бачыць на ганку гэтай установы… Памятаю як эпічна ад удару нагой адной дзяўчыны, іншая ляцела з ганка праз драбінчасты праём на асфальт… Я такое бачыў толькі ў фільме „Спарта“. А вы падумалі куды зараз пойдуць усе гэтыя цудоўныя людзі? аматары каўбойскага 🤠 бара Эпалет…», — напісаў карыстальник andrei_adk_ у каментарах у Instagram блога S13 [тут і ніжэй пунктуацыя аўтараў захаваная — Hrodna.life].
«Эпоха сыходзіць… шнары застаюцца», — канстатуе ніжэй saneksai288821h. «Будзе развітальная масавая бойня😂😂😂», — мяркуе ivan.shv18h.
«Не быў там гадоў 10!!! Але ўсё роўна сустрэліся знаёмыя якія наведваюць гэтую ўстанову !!! Музыка на троечку !!! Бармэн Вован да гэтага часу!!! Кантынгент розны !!! Але мне здалося што гадоў 10 таму было лепш!!!" — напісаў адзін з карыстальнікаў Яндэкс.Карт пад імем Alexander Tomson 20 чэрвеня 2023 года ў водгуках аб месцы.
«Колькі жыву ўсё там. Лепш месца няма дзе можна адпачыць. Хочаш целам хочаш душой адпачывай», — прызнаецца ў любові да клуба Oleg Kazak ў водгуках на Google-картахгод таму. «Мяне ў студэнцкія гады тут „парэзалі“)))», — успамінае карыстальнік Google пад імем Дзмітрый Матукевіч. Ежу ён ацаніў на «2», сэрвіс на «1», атмасферу на «3».
«Усе раней напісаныя водгукі слушныя, але за гэтую атмасферу яго і любяць!!! … дзіўныя людзі, лёгкадаступныя дзяўчаты, можна расслабіцца і тварыць што хочаш!!!», — піша ніжэй Maksim Mironov.
«Сканчаецца старая эпоха, пачынаецца новая не такая вясёлая як у нашай маладосці😟 У нас быў Stop Line, Parlament, Flint… Каўбойскі клуб закрываюць «Эпалет» ці як яго старая назва была «Ева», адзінае месца дзе можна было і пабіцца і дзяўчат запрасіць з працягам…" — настальгуе Андрэй Саванец.
Будынак былога Дома афіцэраў у Гродне прадалі з аўкцыёну 28 красавіка 2023 года. Там мусіць з’явіцца аб’ект грамадскага прызначэння. Ці будзе там які-небудзь клуб, пакуль невядома.
Будынак 1939 года пабудовы ў стылі канструктывізму прадалі па кошце кватэры. Першапачатковая цана была чатыры базавыя велічыні - 148 рублёў. У ходзе таргоў яна вырасла да 239 тыс. рублёў (больш за $ 80 тыс.). Да гэтага Дом афіцэраў (у 1930-х — «Dom Strzelca») спрабавалі прадаць больш за 15 разоў.
Чытайце таксама: «Эпалет», «Табак» і «Калабкі». Пра што раней жартавалі гродзенцы ў інтэрнеце
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…