Кампенсацыйныя пасадкі ў Гродне плануе «Гроднаэнерга». План ужо пачалі рэалізоўваць: на вуліцы Паўднёвай у Гродне пасадзілі 70 саджанцаў клёнаў. За кожнае выдаленае пры рамонтных працах дрэва ў розных мікрараёнах высаджваюць 5−10 саджанцаў, у залежнасці ад плану ландшафтных спецыялістаў.
Акцыю па азеляненні работнікі прадпрыемства правялі пад кіраўніцтвам генеральнага дырэктара прадпрыемства Віктара Жука. Ініцыятыву зладзілі разам з адміністрацыяй Кастрычніцкага раёна Гродна і навучэнцамі гродзенскіх школ.
«Гроднаэнерга» высаджвае дрэвы ў якасці кампенсацыі за знішчаныя пры планавых рамонтах цеплатрас. Іх даводзіцца выдаляць, калі яны аказваюцца ў ахоўнай зоне цеплавых сетак, і карані перакрываюць камунікацыі, або дрэвы перакрываюць магчымасць рамонтных працаў. Кампенсацыйныя пасадкі РУП «Гроднаэнерга» ўлічвае ўжо на этапе распрацоўкі рэканструкцыі электра- і цепласетак.
Чытайце таксама: У двары дзіцячага садка ў Гродне спілуюць пяць дрэў
У 2022 годзе ў якасці такой кампенсацыі высадзілі некалькі тысяч дрэў у розных кропках Гродзенскай вобласці. На Гродна прыйшлося больш за 500 саджанцаў кампенсацыйных пасадак замест выдаленых дрэў падчас рэканструкцыі на аб’ектах філіяла «Гродзенскіх цеплавых сетак». У 2023 годзе ў Гродне плануецца кампенсацыйная пасадка амаль 1000 дрэў.
Чытайце таксама: Каралеўскія паркі і ахоўныя пасадкі. Топ-7 незнакамітых месцаў Гродна, дзе можна шпацыраваць вясной 2023
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…
У мікрараёне “Зарыца-1” плануюць пабудаваць блакаваныя жылыя дамы. Участак выставілі на аўкцыён, паведаміў Гродзенскі цэнтр…
Супрацоўнік "Радыёхвалі" ў Гродне Аляксандр Каяла паскардзіўся ў КДБ на тое, што не змог пакінуць…
У Гродне знайшліся актуальныя вакансіі, дзе прапануюць заробак больш за чатыры тыс. рублёў у месяц.…