Дзмітрый Разянкоў. Фота: БелТА
Лукашэнка надаў званне генерал-маёра міліцыі палкоўніку міліцыі Дзмітрыю Разянкову, начальніку УУС Гродзенскага аблвыканкама. Агулам сёння з’явілася шэсць новых генерал-маёраў.
Кіраваць Гродзенскай міліцыяй Разянкова прызначылі 29 красавіка 2021 года.
Дзмітрый Разянкоў нарадзіўся 17 жніўня 1972 года ў Полацку. У органах унутраных спраў працуе з 1995 года. Пачынаў кар’еру оперупаўнаважаным крымінальнага вышуку, быў першым намеснікам начальніка аддзела ўнутраных спраў Полацкага гарвыканкама, начальнікам крымінальнай міліцыі, пералічвае grodno.ohrana.gov.by. З 2011 па 2015 год узначальваў Наваполацкі ГАУС. З 2015 года першы намеснік начальніка УУС Віцебскага аблвыканкама. Узнагароджаны медалямі «За бездакорную службу» трох ступеняў.
Ужо на пасадзе кіраўніка гродзенскай міліцыі новы генерал запомніўся пагрозамі сотням тысяч падпісантаў «экстрэмісцкіх» Telegram-каналаў. За падпіску будуць прыцягваць да адказнасці, а выключэннем могуць стаць толькі тыя, хто падпісаўся «па дурасці» — у індывідуальным выпадку: «Калі чалавек падпісаўся па дурасці, спатыкнуўся, у яго была магчымасць адпісацца ад канала, але ён гэтага не зрабіў, але ў супольнасці ён не ўдзельнічае, прыцягваць яго да адказнасці — не зусім правільна. Таму ў кожным выпадку індывідуальна будзем разбірацца. Рабіць чалавека без віны вінаватым ніхто не будзе. Але калі ён наўмысна, карысліва гэтым займаўся, ды яшчэ і атрымліваў за гэта сродкі, павінен панесці адказнасць».
Да «найбольш актыўных падпісантаў» будуць прыходзіць дадому з ператрусам, каб знайсці сведчанні «іншых злачынстваў», паабяцаў тады Разянкоў. Ён упэўнены, што ў кватэрах такіх людзей ёсць «бчбшная» сімволіка, а ў асабістых перапісках яны пішуць заклікі да звяржэння дзейнай улады.
На вуліцы для праверкі тэлефона людзей могуць спыніць не толькі калі «ёсць падставы, што вы здзейснілі правапарушэнне, ці ў нас ёсць пра вас нейкая інфармацыя», але нават калі «вы сваім выглядам правакуеце, даяце падставу».
Чытайце таксама:
Загадчыца аднаго з інтэрнатаў у Гродне не ўсачыла за тым, каб паддоны электраплітаў на кухні…
За чатыры гады колькасць пасажыраў гродзенскага аэрапорта знізілася за 99% – з 10 000 да…
Рабочага Белспажыўтаварыства збілі двое ДАІшнікаў - у іх аўтамабілі і кабінеце РАУС. Пра гэта ён…
У пяцёрцы самых прыбытковых вакансій – дырэктар, кіраўнікі зменаў і аддзелаў, а таксама маркетолаг. Hrodna.life…
На «Гродна Азот» і прадпрыемствах, у якіх ён выступае заснавальнікам, супрацоўнікам забароняць карыстацца смартфонамі і…
Двух адказчыкаў прызналі вінаватымі ў нядбалым стаўленні да службы, якое прывяло да цяжкіх цялесных пашкоджанняў…