Кожнае другое дарожна-транспартнае здарэнне з удзелам пешаходаў у 2022 годзе ў Гродзенскай вобласці (45 з 87) адбылося на пешаходным пераходзе. А ў 12 з 13 ДТЗ з удзелам таксі ў Гродне і Гродзенскім раёне ў 2022 годзе прызналі вінаватымі менавіта таксістаў.
З 13 загінулых у ДТЗ з удзелам пешаходаў трое (27%) пераходзілі дарогу, з 79 параненых пешаходаў - 47 (59,5%), удакладнілі ў абласной ДАІ. Адзначана, што ў практыцы разгляду спраў няма ніводнага выпадку, дзе ў ДТЗ на пешаходным пераходзе вінаватым бы прызналі пешахода.
У здарэннях з удзелам таксі ў Гродне і раёне атрымалі траўмы розных ступеняў цяжкасці 14 чалавек.
А з пачатку 2023 года ў Гродзенскай вобласці выявілі ўжо больш за 150 парушэнняў, здзейсненых таксістамі.
Сярод парушэнняў, заўважаных у таксістаў, асноўнымі назвалі адсутнасць рамяня бяспекі, невыкананне дыстанцыі, бакавога інтэрвалу, перавышэнне хуткасці. Кіроўцы часта парушаюць новае правіла, якое з’явілася з 27 кастрычніка 2022 года ў абноўленых ПДР — калі таксіст знаходзіцца ў машыне без пасажыра, ён павінны прышпільвацца. Не прышпільвацца, паводле правіл дарожнага руху, ён можа ў населеным пункце толькі ў час перавозкі пасажыра.
Чытайце таксама:
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…