У Гродне — амаль 500 км ліўнёўкі і 18 тыс. калодзежаў. Як за імі сочаць?

На ўтрыманне, тэхнічнае абслугоўванне і абследаванне гродзенскай сістэмы ліўнёўкі і водаадводных збудаванняў выдаткуюць 130 тысяч рублёў. Рэгулярныя працы праводзяць на 475 км ліўнёвай каналізацыі і 17 950 дожджапрымальных і назіральных калодзежах.

Грошы пойдуць на бягучае ўтрыманне, тэхнічнае абслугоўванне і абследаванне калектараў і сетак ліўневай каналізацыі, ачышчальных збудаванняў, каналізацыйных помпавых станцый ліўневай каналізацыі, адкрытых водаадводных прылад, сажалак, рэгулятараў (адстойнікаў) і дарожных збудаванняў у межах гэтых аб’ектаў, якія знаходзяцца ў камунальнай уласнасці Гродна. Тэрмін пастаўкі ў дзяржзакупцы пазначаны да канца снежня. На які менавіта перыяд для пералічаных працаў разлічана гэтая сума, з дакументаў не зразумела, адзначае канал Urban Hrodna.

Як даглядаюць за ліўнёўкай і водаадводнымі збудаваннямі

• Дожджапрымальныя і назіральныя калодзежы чысцяць ад наносаў і прамыслова-бытавога смецця штодня. Закрываюць іх па меры выяўлення.
• Вонкавы агляд сеткі ліўнёвай каналізацыі робяць штодня ў адпаведнасці з графікам работ.
• Ачыстку латкоў дожджапрмальных адкрытых уручную робяць 1 раз на месяц.
• Чысцяць водаадводныя канавы і латкі.
• Робяць гідрадынамічнае прамыванне сеткі дажджавой каналізацыі каналапрамывачной машынай КО-502 па меры неабходнасці.
• Поймы рэк Юрысдыка (7 440 кв.м), Гараднічанка (18 600 кв.м) і ручая Падпярэселка (12 400 кв.м) чысцяць ад буйнога смецця 1 раз на месяц.
• Апаражнняюць сетку, чысцяць пескалоўкі АС ад глеістых адкладаў 1 раз на месяц.
• Па меры выяўлення затапленняў адпампоўваюць ваду мотапомпай.
• У зімовы час чысцяць краты дожджапрымальных калодзежаў ад лёду і снегу ў залежнасці ад умоваў надвор’я.

Чытайце таксама: Сем мастоў у Гродне пафарбуюць і абароняць ад карозіі. Іх чакае бягучы рамонт