Гаспадар хутара Камарышкі (Астравецкі раён) Аляксандр Дарашэвіч атрымаў сертыфікат пераможцы нацыянальнага ўзроўню прэміі «Энэргетычны глобус» (Energy Globe). Ён прэзентаваў бортніцкі праект па вырабе і ўстаноўцы калод для дзікіх пчол, паведаміла «Рэгіянальная газета».
«Адзін з праектаў - гэта выраб і ўстаноўка калод для пчол альбо бортніцтва, якое ўнесенае ў сусветную спадчыну. Мы лічым, што ўнікальнасць нашага праекта ў тым, што зменены прыярытэты», — сказаў Аляксандр Дарашэвіч.
Ён адзначыў, што галоўная яго мэта — не здабываць мёд, а стварыць умовы для жыцця дзікіх пчол. Маўляў, у спрыяльных умовах пчолы «падзеляцца лішкам мёду».
У снежні 2020 года культуру бортніцтва ў Беларусі і Польшчы ўнеслі ў спіс нематэрыяльнай культурнай спадчыны ЮНЭСКА. Культура бортніцтва заснавана на развядзенні і ўтрыманні лясных пчолаў у штучных дуплах.
Чытайце таксама: Правільныя пчолы жывуць на даху. Навошта ставіць вуллі ў горадзе?
«Energy Globe» — экалагічная прэмія, якую заснавала амерыканскае агенцтва Arthur D. Little. На конкурс прымаюць праекты, якія абараняюць навакольнае асяродзе. У конкурсе могуць удзельнічаць прыватныя асобы, а таксама кампаніі і недзяржаўныя арганізацыі. Праекты разглядаюць на нацыянальным і міжнародным узроўні.
Чытайце таксама: Вольга Гаўрылік: «Я — пчолка, што шукае нектар, але ўмее джаліць»
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…