Будынкі старога мясакамбіната па вуліцы Камунальнай, недалёка ад стадыёна «Нёман» і цэнтра горада, зноў выставілі на продаж. На гэты раз — з магчымасцю рэканструкцыі пад жыллё. Пачатковы кошт за комплекс з 13 пабудоў - 1 млн 479,9 тыс. рублёў (амаль $ 600 тыс.).
Умовы продажу прадугледжваюць рэканструкцыю нерухомай маёмасці пад жылую сядзібную забудову гарадскога тыпу. Сярод яе павінны размясціцца асобнымі будынкамі сацыяльна гарантаваныя аб’екты абслугоўвання насельніцтва.
У спісе на продаж — усяго 13 будынкаў і пабудоў па адрасах Камунальная 32, 32/1, 32/2, 32/3, 32/4, 32/5, 32/6, 32/7, 32/8, 32/9, 32/10, 32/11, 32/12. Гэта будынак канторы былога мясакамбіната, прахадная, рамонтныя майстэрні, вагавая, сталярны цэх, склады і гаражы з прыбудовамі, кацельня, адстойнік, басейн (тэхнічны вадаём), прыбіральня і нават вежа. Гады пабудовы — ад 1911 да 1991.
Некаторыя будынкі прадаюцца з дзейнымі дамовамі арэнды, максімальны тэрмін — да верасня 2025 года.
Плошча зямельнага ўчастка пад забудовай — 1, 3234 га. Зямлю можна арандаваць на 50 гадоў.
Прадаць гэты ўчастак пад таўнхаусы гарадскія ўлады спрабуюць з траўня 2019 года. З таго часу ўмовы істотна змяніліся. Тады на продаж выстаўлялі ўчастак у 1,7 га, а пабудовы прапаноўвалі зносіць. Кошт зносу склаў бы 1,12 млн рублёў. За зямлю гарадскія ўлады хацелі мінімум 61,8 тыс. рублёў і прапаноўвалі арандаваць яе на 5 гадоў.
Сядзібная забудова на гэтым месцы закладзена ў Праекце дэталёвага планавання цэнтра і Генплане развіцця Гродна да 2030 года. Таўнхаусы на Камунальнай плануюць пабудаваць да 2025 года.
У пачатку мінулага стагоддзя тут была гарадская рэзня — мясакамбінат. З яе пачалася гісторыя прамысловай перапрацоўкі мяса ў Гродне. З прыходам савецкай улады рэзня была нацыяналізаваная і атрымала назву Гродзенскага мясакамбіната. На гэтым месцы рэзня была да 1970-х гг., пакуль не пачаў працаваць сучасны гродзенскі мясакамбінат. Зараз ні адзін з будынкаў рэзні не мае статусу культурнай каштоўнасці.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
