Супрацоўнік Гродзенскага механічнага заводу. Фота: "Гродзенская праўда"
Гродзенскі механічны завод трапіў пад еўрапейскія санкцыі з 2021 года — разам з холдынгам «БЕЛАЎТАМАЗ». У выніку пастаўка асобных відаў камплектуючых і сыравіны, якія неабходныя для вытворчасці ў тым ліку унікальнай прадукцыі, апынулася пад забаронай. Як завод працуе паўтара года, яны распавялі «Гродзенскай праўдзе».
Да ўвядзення санкцый часткова матэрыялы і камплектуючыя для вытворчасці закуплялі ў еўрапейскіх вытворцаў - у Польшчы, Германіі, распавёў галоўны інжынер «Гродзенскі механічны завод» Яўген Федзюковіч. Пасля ўвядзення санкцый па некаторых камплектуючых выбралі расійскіх і кітайскіх вытворцаў замест еўрапейскіх. Пастаўкі ідуць праз Расію. Павялічыліся лагістычны ланцужок і тэрміны паставак. Гэта загадзя ўлічваюць.
Гродзенскі механічны завод працуе больш за 30 гадоў. Тут вырабляюць аўтамабільныя і іншыя маторныя транспартныя сродкі, прычэпы і паўпрычэпы, машыны і абсталяванне для здабычы карысных выкапняў і будаўніцтва, металічныя цыстэрны, рэзервуары і кантэйнеры, пластмасавыя вырабы. Прасцей кажучы, малакавозы, бензавозы — спецтэхніку для перавозкі небяспечных грузаў і нафтапрадуктаў, перавозкі харчовых і тэхнічных вадкасцяў, і іншыя вырабы з металу.
— За першае паўгоддзе гэтага года ў нас выкананы ўсе паказчыкі. Тэмп росту аб’ёмаў вытворчасці прамысловай прадукцыі - 127,4% да ўзроўню 2021 года. Сярэдняя зарплата па прадпрыемству за студзень-чэрвень 2022-га павялічылася на 35,3% у параўнанні з аналагічным перыядам мінулага года. <…> Калі б былі прастоі, то і заробак, адпаведна, адставаў б, а не павялічваўся, — расказала начальнік планава-эканамічнага аддзела завода Вольга Каласоўская.
Больш за палову выпускаемай прадукцыі пастаўляецца на экспарт, у асноўным у — Расію. Прадукцыю пастаўлялі ў Анголу, Гвінею, Казахстан, Украіну, Літву, Венесуэлу, Судан, Эфіопію, Цэнтральнаафрыканскую Рэспубліку.
— У Еўропу адгружалася нязначная частка прадукцыі, таму аб’ёмы экспарту ў нас засталіся практычна на ранейшым узроўні, мы заўсёды пастаўлялі больш за 50% за мяжу, — распавёў інжынер Яўген Федзюковіч. — Напрыклад, нашы надбудовы на базе шасі БелАЗ у поўным аб’ёме ідуць на экспарт, да канца года ў нас ужо сфармаваныя замовы.
Кіраўніцтва ў сваю чаргу імкнецца стварыць камфортныя ўмовы для працуючых, клапоціцца аб іх дабрабыце, знаходзіць магчымасці для стымулявання, распавялі на прадпрыемстве.
Год таму Hrodna.life распавёў аб сітуацыі на заводзе. У сакавіку 2021 года работнікі Гродзенскага механічнага завода перайшлі на чатырохдзённы працоўны тыдзень з паніжэннем зарплаты. У лютым завод абвясціў аб адсутнасці заказаў. Дырэктар прадпрыемства Сяргей Івароўскі казаў, што не хоча скарачаць людзей і ідзе на аптымальныя меры.
Скардзіліся супрацоўнікі і на ўмовы працы: тэмпература ў зімовы сезон у цэхах складае ад 2+ да 8 + градусаў. Са слоў работніка, няма сродкаў, каб уцяпліць цэхі, як і на абнаўленне абсталявання.
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…