Новый мост. Фото: "Вечерний Гродно"
Рэканструкцыя (мадэрнізацыя) Новага моста па вуліцы Паповіча запланаваная на 2023−2024 гады. На яе пойдзе 65 млн рублёў з мясцовага бюджэту, піша Telegram-канал Urban Hrodna.
Мост на Паповіча апынуўся самым дарагім у спісе мастоў, якія плануюць рэканструяваць або адрамантаваць да 2025 года па ўсёй краіне. На рамонт Румлёўскага моста, згодна з тым жа дакументам, з мясцовага бюджэту вылучана 13,6 млн рублёў. Тэрміны правядзення работ пазначаны 2022−2023 гады.
Для параўнання, папярэдні кошт праекта рэканструкцыі Усходняга моста ў 2019 годзе называлі каля 70 млн рублёў. «Мы збіралі грошы з усёй краіны, каб яго аднавіць», — сказаў пазней Аляксандр Лукашэнка на яго адкрыцці.
«Гэта будзе карэнная рэканструкцыя моста. Адпаведна гэта будзе больш працяглы працэс з поўным перакрыццем руху. Таму дагэтуль плануецца прывесці ў належны стан усе масты горада», — сказаў старшыня Гродзенскага аблвыканкама Уладзімір Каранік аб планах на Новы мост.
Мост на вуліце Паповіча абследавалі спецыялісты «БелдарНДІ» яшчэ ў ў 2019. Яны выявілі шэраг праблем, якія трэба ліквідаваць. Мост увайшоў у спіс 16 мастоў, якія трэба рэканструяваць за кошт рэспубліканскага бюджэту. Яго прапаноўвалі пашырыць да шасці палос. Адначасова з пачаткам рэканструкцыі планавалі пачаць узвядзенне новага мікрараёна «Вясенні». У 2020 годзе да работ на Новым мосце хацелі прыступіць пасля адкрыцця Усходняга моста.
Мост на Паповіча адкрылі ў 1971 годзе. На ім — шэсць дэфармацыйных швоў, а на Старым мосце іх толькі два.
Чытайце таксама: Румлевский мост в Гродно откроют позже, чем планировали
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…