Круглы стол пра «адзінства нацый і пакаленняў» пройдзе ў час Фестывалю нацыянальных культур-2022. Таксама на свяце пакажуць экспазіцыю і прэзентуюць кнігу пра Вялікую Айчынную Вайну. Пра гэта паведаміла БелТА.
У галерэі імя Тызенгаўза [маецца на ўвазе не даўно існуючая прыватная «Галерэя Тызенгаўза», а новая прастора ў адноўленым будынку былога архіва — Hrodna.life] плануюць арганізаваць круглы стол «Беларусь наш агульны дом: адзінства нацый і пакаленняў». У ім павінна прыняць удзел старшыня Савета Рэспублікі Наталля Качанава. Мерапрыемства плануюць трансляваць на YouTube.
Гэта новы элемент фестывалю. Яго арганізуюць, каб падняць «актуальныя пытанні, каб захаваць мір і спакой у нашай краіне», сказаў Старышня камісіі па адукацыі, навуцы і сацыяльным развіцці Савета Рэспублікі Віктар Лісковіч.
«Ад таго, як мы данясем моладзі прынцыпы добрасуседства, прыстойнасці, выбудоўвання міралюбівых адносінаў паміж сабой, у канчатковым выніку будзе ўплываць на далейшы лёс нашай краіны», — лічыць Лісковіч.
Падчас фестывалю плануюць паказаць дзве выставы. У экспазіцыі «Беларусь наш агульны дом: адзінства нацый і пакаленняў» прадставяць фота і асабістыя рэчы «вядомых дзеячоў, якія ўнеслі ўклад у развіццё краіны ў пасляваенны перыяд». Маюцца на ўвазе палітычныя дзеячы, вайсковыя начальнікі, дзеячы культуры, адукацыі, навукі, спорта. Пра каго менавіта ідзе гаворка, БелТА не ўдакладніла.
У другой зале будзе партрэтная галерэя прадстаўнікоў разнастайных нацыянальнасцяў, якія ваявалі на тэрыторыі Беларусі і «унеслі ўклад у Перамогу». Падчас якой вайны БелТА таксама не ўдакладніла.
Таксама зараз завяршаюць афармленне кнігі пямяці «Сёстры Хатыні». Яе прэзентацыю плануюць правесці падчас круглага стала. У кніге сабралі звесткі аб 309 населеных пунктах Гродзенскай вобласці, якія пацярпелі падчас Вялікай Айчыннай Вайны.
Фестываль нацыянальных культур адбудзецца ў Гродне 3 і 4 чэрвеня. Удзел у фестывалі прымуць прадстаўнікі 31 нацыянальнасці - на пяць менш, чым на папярэднім фестывалі.
Апошні раз фестываль праходзіў у 2018 годзе. У 2020−2021 яго не ўдалося правесці з-за пандэміі.
Чытайце таксама:
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…
У мікрараёне “Зарыца-1” плануюць пабудаваць блакаваныя жылыя дамы. Участак выставілі на аўкцыён, паведаміў Гродзенскі цэнтр…
Супрацоўнік "Радыёхвалі" ў Гродне Аляксандр Каяла паскардзіўся ў КДБ на тое, што не змог пакінуць…
У Гродне знайшліся актуальныя вакансіі, дзе прапануюць заробак больш за чатыры тыс. рублёў у месяц.…