Ілюстрацыйнае фота. Фота: progamer.ru
Да 1 верасня ў ліцэі № 1 Гродна створаць незвычайны кабінет астраноміі. Для яго закупяць акуляры віртуальнай рэальнасці, тэлескоп і іншую тэхніку. Кабінет будзе працаваць як гарадскі рэсурсны цэнтр — наведаць яго змогуць усе жадаючыя.
Пакуль падрабязнасцяў пра будучыню кабінета астраноміі няшмат — працэс на стадыі закупкі, распавёў Hrodna.life дырэктар ліцэя Ігар Маслаў. Для кабінета плануюць закупіць мультымедыйнае абсталяванне. Інфармацыя пра гэта з’явілася на сайце дзяржзакупак.
Аўкцыён уключае восем лотаў: шлем віртуальнай рэальнасці Oculus Quest 2 64 GB за 1 600 рублёў, аптычны тэлескоп Sky Watcher BK P2001 EQ5 за 3 470 рублёў, персанальны камп’ютар за 3 830, манаблок за 2 000 рублёў. А таксама партатыўную зарадную прыладу, медыяплэер, Wi-Fi-роутар і вадкакрысталічны тэлевізар. Фінансаванне плануюць узяць з бюджэту горада.
У акулярах віртуальнай рэальнасці можна граць як стоячы, так і седзячы. Да тэлескопу купяць лінзы, акуляры і святлафільтры. Праз гэты тэлескоп можна ўбачыць Венеру, Марс, кольцы Сатурна, месяц, каметы і структуру туманнасцяў і галактык.
Электронны аўкцыён прызналі несапраўдным — паступіла толькі адна прапанова на адзін з лотаў. Праз некаторы час дзяржзакупку паўтораць.
Абноўлена. 19 траўня абвясцілі новы аўкцыён — падрабязнасці тут.
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…
У мікрараёне “Зарыца-1” плануюць пабудаваць блакаваныя жылыя дамы. Участак выставілі на аўкцыён, паведаміў Гродзенскі цэнтр…
Супрацоўнік "Радыёхвалі" ў Гродне Аляксандр Каяла паскардзіўся ў КДБ на тое, што не змог пакінуць…