Генеральная пракуратура Беларусі выступіла з заявай у сувязі з тым, што ў Літве пачалі дасудовае расследаванне па заяве мінчука Максіма Харошына.
Харошын быў уладальнікам кветкавай крамы ў Мінску, удзельнічаў у мірных акцыях пратэсту, дарыў жанчынам кветкі. Сілавікі падазравалі, што гэта ён разабраў вадамёт на адным з маршаў, піша «Еўрарадыё». Пасля жорсткага затрымання і знаходжання ў РУУС мужчына трапіў у бальніцу. Харошын распавёў, што яго збівалі, аднак міліцыя назвала гэтыя дадзеныя неправеранымі. У кастрычніку Максім з сям’ёй з’ехаў у Літву. Літоўскія органы пачалі расследаванне яго заявы па працэдуры щніверсальнай юрысдыкцыі.
«Абставіны здарэння, названыя заяўнікам, і іншыя першасныя дадзеныя, прадстаўленыя пракуратуры, ацэнены як тыя, што маюць склад злачынства, у адносінах да якога, паводле Крымінальнага Кодэкса Літоўскай Рэспублікі, прымяняецца ўніверсальная юрысдыкцыя», — цытуе Delfi.ru паведамленне літоўскай пракуратуры. Універсальная юрысдыкцыя азначае, што крымінальная адказнасць за злачынствы, аб якіх ідзе гаворка ў міжнародных дагаворах, прымяняецца незалежна ад грамадзянства пацярпелых і падазраваных, месца злачынства і таго, ці прадугледжана пакаранне законам краіны, у якой здзейснена злачынства.
Пракуратура Беларусі палічыла гэта суб’ектыўным тлумачэннем, выкарыстаным як сродак для ўмяшання ва ўнутраныя справы Рэспублікі Беларусь.
«У цяперашні час па заяве названага грамадзяніна кампетэнтныя органы Беларусі праводзяць даследчую праверку і рашэнне будзе прынята ў адпаведнасці з нацыянальным заканадаўствам», — гаворыцца ў заяве.
Генеральная пракуратура накіравала ў МЗС інфармацыю аб неабходнасці прыняцця адпаведных мер рэагавання.
Беларусь закрывает наземную границу на выезд из-за коронавируса
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…