Гродзенец адправіў падобныя паведамленні не менш сарака супрацоўнікам. Фота: sk.gov.by
У сярэдзіне кастрычніка 2020 года 34-гадовы жыхар Гродна ў Telegram адправіў супрацоўніцы Следчага камітэта паведамленне, «якое змяшчае пагрозы прымянення гвалту, а таксама абразы ў яе адрас». Верагодна, у кастрычніку 2020 года ён таксама адпраўляў падобныя паведамленні супрацоўніку міліцыі. Мужчыну затрымалі, паведамілі ў sk.gov.by.
Падазраваны распавёў, што аглядаў Telegram-каналы з асабістымі звесткамі супрацоўнікаў органаў унутраных спраў, Следчага камітэта, а таксама чальцоў выбарчай камісіі і пісаў ім паведамленні з пагрозамі і абразамі.
Па папярэдніх падліках, ён адправіў падобныя паведамленні не менш 40 супрацоўнікам, пры гэтым асабіста ён амаль нікога не ведаў. Дапыталі пацярпелых, канфіскавалі тэхніку, да матэрыялаў справы далучылі перапіску.
Мясцовы жыхар прызнаны падазраваным па ч. 1 ст. 366 (пагроза прымянення гвалту ў дачыненні да службовай асобы, якая выконвае службовыя абавязкі) і арт. 364 (пагроза прымянення гвалту ў дачыненні да супрацоўніка органаў унутраных спраў) Крымінальнага кодэкса.
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…