Раней прайсці атэстацыю экскурсаводы маглі толькі ў Мінску. Зараз з’явілася магчымасць здаць экзамен і ў Гродне. У выніку з усімі заданнямі справіўся 21 экскурсавод і 1 гід-перакладчык з 32 чалавек, піша grodnonews.by.
— Ад Гродзенскай вобласці паступіла вялікая колькасць заявак на атэстацыю — больш за 60. Таму было прынята рашэнне, што зручней правесці яе не толькі ў Мінску, але і ў Гродна ў анлайн-фармаце, — распавяла Таццяна Лідзяева, намеснік начальніка ўпраўлення спорту і турызму Гродзенскага аблвыканкама. — Развіццё бязвізавага рэжыму і ўнутранага турызму паказала, што ў нас не хапае экскурсаводаў і гідаў-перакладчыкаў. Асабліва праблематычна знайсці ў пік турыстычнага сезону. Таму прыйшлі да высновы, што іх колькасць неабходна павялічваць.
У атэстацыі ў Гродне прынялі ўдзел 32 чалавекі. Сярод іх не толькі гродзенцы, але і прадстаўнікі іншых раёнаў і абласцей: Брэсцкага, Лідскага, Слонімскага, Свіслацкага, Навагрудскага. Экзамен здавалі прафесіяналы і тыя, хто вырашыў праводзіць экскурсіі зусім нядаўна.
Экзамен складаўся з двух этапаў. Першы — кампутарнае тэставанне. У ім было каля ста пытанняў па гісторыі, геаграфіі, культуралогіі. Хто паспяхова справіўся з тэстам, дапускаўся да другога этапу — вуснага анлайн-сумоўя з экспертамі з Мінска, якія ацэньвалі ўжо не толькі веды, але і дыкцыю, тэмп прамовы і методыку правядзення экскурсій.
Па словах намесніка начальніка ўпраўлення спорту і турызму Гродзенскага аблвыканкама Таццяны Лідзяевай, рыхтаваць гідаў плануецца і далей. Гэта звязана як з запатрабаванасцю ў спецыялістах у Гродзенскай вобласці, так і з тым, што яшчэ не ўсе жадаючыя стаць гідамі прайшлі атэстацыю.
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…