Фото: gazeta.azot.by
Пасля няпланавага спынення на «Гродна Азот», якое адбылося 9 лістапада, цэхі «Аміяк-4» і «Карбамід-4» працуюць у штатным рэжыме.
Вырабляецца дазагрузка магутнасцяў, паведамілі на прадпрыемстве. 10 лістапада падчас пускавых аперацый дадаткова правялі кантроль паветра на прамысловай пляцоўцы і тэрыторыі прадпрыемства. Перавышэнняў дапушчальных канцэнтрацый забруджвальных рэчываў не выявілі.
«Аміяк-4» быў спынены рана раніцай 9 лістапада з-за праблем у тэхналагічным працэсе, расказалі на прадпрыемстве. Звязаны з ім «Карбамід-4» спыніўся у другой палове таго ж дня, яго перавялі ў гарачы рэзерв.
26 кастрычніка некаторыя работнікі «Гродна Азот» далучыліся да агульнанацыянальнага страйку. Ля прахадной прадпрыемства сабраліся каля сотні чалавек: рабочыя і гараджане, якія прыехалі іх падтрымаць. Рабочыя двух цэхаў адмовіліся прымаць змены. Сілавікі затрымалі 32 чалавекі. Рабочыя распавядалі пра пагрозы і абразы з боку сілавікоў. Частка работнікаў працягваюць страйкаваць да гэтага часу, ёсць няпоўныя змены.
На заводзе пачаліся звальненні. Толькі з спыненага 9 лістапада цэха «Карбамід-4» былі звольненыя чатыры чалавекі. З іх двое — апаратчыкі, і адзін — начальнік змены. Яшчэ адзін апаратчык звольніўся па сваёй ініцыятыве. «На замену людзей трэба доўга рыхтаваць. Каб што-небудзь ведаць, рабіць — не тое што не адзін месяц, не адзін год патрэбны», — распавёў Hrodna.life супрацоўнік завода. Усяго ў цэху — 20 апаратчыкаў. Многія працаўнікі завода — на бальнічных.
Замену далучаным да стачкі работнікам «Гродна Азот» шукалі на Гомельскім хімзаводзе, на «Могилевхимволокне» і на «Нафтане». Паводле стачкама, адміністрацыя звярталася і да былых работнікаў прадпрыемства.
«Нафтан» прислал сменщиков на Гродно Азот «из-за сложной эпидимеологической ситуации«
На «Гродна Азот» Hrodna.life колькасць супрацоўнікаў, якія прыбылі, не назвалі. Па інфармацыі Hrodna.life, 2 лістапада каля 30−40 супрацоўнікаў, якія змяняюць страйкоўцаў на «Гродна Азот», засяліліся ў санаторый «Жамчужына».
Па інфармацыі аднаго з супрацоўнікаў «Азота», траіх з работнікаў, што прыбылі для замены, ужо звольнілі за знаходжанне ў нецвярозым стане.
Раней у стачкаме выказвалі асцярогу, што з-за недахопу кваліфікаваных работнікаў могуць з’явіцца праблемы ў працы прадпрыемства і ў выпадку аварыйнай сітуацыі.
Чытайце таксама:
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…