Пасля доўгага перапынку праз эпідэмію каронавіруса беларусы могуць зноў здаць экзамен на веданне польскай мовы, гісторыі і традыцый Польшчы і атрымаць карту паляка, піша polsha24.com.
У Гродне ў будні, з 9.00 да 11.00, запісацца па тэлефоне на сустрэчу з консулам Польшчы з нагоды атрымання карты паляка могуць толькі тыя, хто плануе падоўжыць дзеянне дакумента, а таксама людзі, старэйшыя за 65 гадоў.
Усіх астатніх прэтэндэнтаў просяць рэгістравацца ў інтэрнэце, выслаўшы электронны ліст на адрас: grodno.kg.kartapolaka@msz.gov.pl альбо поштай на адрас Генеральнага консульства ў Гродне (вул. Будзёнага 48А, індэкс 230 023).
Кожны ліст у консульства павінны быць на польскай мове і ўключаць імя і прозвішча, адрас і нумар тэлефона адпраўніка. Заяўкі будуць разглядацца па чарзе ў адпаведнасці з датай адпраўлення паведамленні або лісты.
Таксама з 9 верасня Кіраванне Падляскага ваяводства (Podlaski Wojewódzki Urząd) у Беластоку аднавіла прыём заявак на атрыманне карты паляка. Праўда, пакуль толькі для непаўналетніх. Першымі на атрыманне КП змогуць разлічваць тыя непаўналетнія, якія павінны былі атрымаць дакумент у перыяд з 16 сакавіка 2020 года па 9 чэрвеня 2020 года, але не атрымалі з-за эпідэміі COVID-19.
Асобам, якія не змогуць перасекчы мяжу, будзе прызначаная новая дата наведвання Кіравання пасля адкрыцця мяжы паміж Польшчай і Беларуссю.
Чытайце таксама:
За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…
Беларуса асудзілі паводле некалькіх артыкулаў - у тым ліку за тэракт. Ён адбывае пакаранне ў…
На актывістку страйкаму "Гроднапрамбуд" Юлію Сліўко завялі новую крымінальную справу. У Беларусі ў яе арыштавалі…
Адзінаццацігадовая дзяўчынка, якая ўпала з вышыні з атракцыёна ў Лідзе, аднаўляецца. Яе перавялі з рэанімацыі…
Удзельнікаў акцый на Дзень Волі 25 сакавіка 2024 года ў розных гарадах замежжа беларускія сілавікі…
Будынак праектуюць на набярэжнай проста пад Новым замкам, каля існага бізнес-центра на вул. Заводскай, 13.…