Аляксандар Цыліндзь
Гродзенскага хірурга Аляксандра Цыліндзя мусілі судзіць 30 верасня за ўдзел у недазволеным мітынгу. Падтрымаць яго прыйшлі каля 40 чалавек, сярод іх — блізу дзесяці святароў (каталіцкія, праваслаўныя і лютэранскі пастар). Суд перанеслі на нявызначаны тэрмін праз адсутнасць дакументаў.
«Я малюся за Беларусь. Цяпер трэба тлумачыць у судзе, што я малюся», — цытуе Аляксандра Цыліндзя «Радыё С**бода».
У судзе Аляксандру Цыліндзю паведамілі, што ў суд не паступілі ўсе патрэбныя матэрыялы, піша harodniaspring.org. Які суддзя будзе разглядаць адміністрацыйную справу, пакуль таксама невядома. Цыліндзя збіраюцца судзіць паводле арт. 23.34 КаАП за удзел у несанкцыянаваным масавым мерапрыемстве. Ён стаяў на вуліцы Гродна з абразом і крыжам і маліўся за мір у Беларусі.
Аляксандар Цыліндзь — вядомы ў Гродне сасудзісты хірург вышэйшай кваліфікацыйнай катэгорыі, працуе ва ўнівэрсітэцкай клініцы. Стаж у спецыяльнасці - больш за 30 гадоў.
Чытайце таксама:
Да канца 2025 года на базе абласнога клінічнага перынатальнага цэнтра ў Гродне адкрыюць цэнтр лячэння…
40-гадовы гродзенец хацеў скарыстацца ільготай для праходжання мяжы, якой у яго насамрэч не было, паведамілі…
Бар Amigos, які адкрыўся ў жніўні 2025 года ў чацвёрты раз, зноў закрываецца. Гэтым разам…
Дырэктар установы адукацыі карыстаўся службовым камбайнам у асабістых мэтах, а намеснік другога ў парушэнне закону…
У польскай вёсцы Мастаўляны захаваліся падмуркі сядзібы, у якой жыў Кастусь Каліноўскі. Беларускія гісторыкі і…
Дзяржаўны камітэт па маёмасці выставіў на таргі самалёт Ан-2, які часта называюць "кукурузнікам". Цяпер самалёт…
