Руслан Кулевіч. Фота з яго архіву
10 верасня ў гродзенскім абласным судзе разглядалі абскарджанне рашэння суда Кастрычніцкага раёна па справе журналіста Hrodna.life Руслана Кулевіча. Абласны суд скасаваў пастанову раённага і адправіў справу на новы разгляд.
Пастанову суддзі суда Кастрычніцкага раёна Гродна ад 12 жніўня 2020 года адмянілі. Справа аб адміністрацыйным правапарушэнні накіравана на новы разгляд у суд Кастрычніцкага раёна, і будзе разглядацца іншым суддзёй, распавяла Hrodna.life Святлана Бірылава, адвакатка Руслана.
Пры вынясенні пастановы суддзя Гродзенскага абласнога суда Ігар Собалеў назваў у якасці падставы адмены рашэння суддзі раённага суда парушэнне права на абарону.
Чытайце таксама: Журналіста з Гродна асудзілі за ўдзел у мітынгу. Абласны суд адмяніў рашэнне
Руслана Кулевіча затрымалі 11 жніўня каля ратонды на Гарнавых, пры затрыманні білі. 12 жніўня суд Кастрычніцкага раёна Гродна прысудзіў яму сем сутак адміністрацыйнага арышту па ч. 1 арт. 23.34 КаАП за ўдзел у несанкцыянаваным масавым мерапрыемстве. На судзе Руслан казаў, што ён журналіст, але гэта ні на што не паўплывала.
Чытайце таксама: «Я быў пазначаным». Руслан Кулевіч распавёў ўсё пра затрыманне, суд і цкаванне пасля «сутак»
Адбываць пакаранне ён павінен быў у ІЧУ на вуліцы Гая ў Гродне. Вечарам 13 жніўня яго нечакана вызвалілі без тлумачэнняў. За некалькі гадзін да гэтага генерал-маёр міліцыі Вадзім Сіняўскі расказаў Hrodna.life, што Кулевіч будзе ў ізалятары ўсе сем сутак, якія яму даў суд.
На наступны дзень пасля вызвалення Руслан звярнуўся ў бальніцу. Выявілася, што ў яго зламаныя абедзве рукі ў вобласці кісцяў, закрытая чэрапна-мазгавая траўма і страсенне мозгу. Яго шпіталізавалі. Пасля выпіскі ў інтэрнэце пачалася траўля Руслана і яго сям'і: у Telegram выклалі яго з жонкай асабістыя дадзеныя, хатні адрас і тэлефоны. Пасыпаліся званкі і паведамленні з розных нумароў, пагрозы, абразы, яго пераломы называлі фэйкам.
Фірму-уладальніка крамы "АвтоЗапчасти" ў Гродне, ТАА "Рукша", зноў хочуць збанкруціць. Банкруцтва хочуць прызнаць праз эканамічны…
Два новенькія электрычныя пікапы Tesla Cybertruck 2023 года выпуску затрымалі літоўскія мытнікі 7 мая ў…
Будынак запраўкі “Газпрамнафты”, а таксама матэль і кафэ ля самай беларуска-літоўскай мяжы прадаюць з аўкцыёну.…
"Каманду Латушкі і Рух "За Свабоду" 8 траўня прызналі экстрэмісцкім фармаваннем. У ліку адказных за…
Праўладная актывістка Вольга Бондарава ў сваім допісе назвала нявестку Аляксандра Лукашэнкі “змагаркай”. Але пазней адрэдагавала…
Загадчыца аднаго з інтэрнатаў у Гродне не ўсачыла за тым, каб паддоны электраплітаў на кухні…