Ирина Новик. Фото: Press Club Belarus
Абноўлена. Журналістку Hrodna.life Ірыну Новік затрымалі з мужам Анатолем Новікам, калі яны здымалі мітынг у Гродне ў падтрымку Лукашэнкі. Іх адвезлі ў РАУС, але праз гадзіну адпусцілі пасля прафілактычнай гутаркі, тэхніку вярнулі, выдаліўшы запісы.
Аб тым, што адбылося, яна паспела паведаміць калегам каля 15:00. Іх павезлі ў РАУС Ленінскага раёна па адрасе Дубко, 5. Верагодна, іх затрымалі за здымку з дрона.
Прэс-сакратар УУС Гродзенскага аблвыканкама Яўген Дудко сказаў, што Ірына і Анатоль ня затрыманыя, а дастаўлены ў РАУС для разбіральніцтва і павінны быць адпушчаныя.
Іх сапраўды адпусцілі з РУУС пасля прафілактычнай гутаркі. Тэхніку вярнулі, выдаліўшы з яе запісы.
«Таму нашы чытачы, на жаль, не ўбачаць велізарнае чырвона-зялёнае палотнішча сцяга з вышыні, і людзей, якія сабраліся ў падтрымку Аляксандра Лукашэнкі», — сказала Ірына, калі змагла патэлефанаваць калегам.
Ірына Новік — рэдактарка спецпраектаў, рэпарцёрка, фатографка і відеографка. У журналістыцы з 2015 года. Ўдзельнічала ў распрацоўцы канцэпцыі рэбрэндынгу выдання «Твой стыль» і стварэнні «Hrodna.life». Па адукацыі Ірына інжынер-механік, таму не баіцца тэхнічна складаных фарматаў.
Часцей за ўсё піша сацыяльныя рэпартажы. Любімая справа — вынаходзіць ровар і ставіць амбіцыйныя мэты для ўсіх, хто не паспеў схавацца.
Матэрыялы Ірыны Новік адзначаны дыпломамі многіх конкурсаў.
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…