Пэнсіянэрку з Горадні Станіславу Дамшэль вінавацяць ва ўдзеле ў несанкцыянаваным масавым мерапрыемстве на Дзень Рэспублікі. Прычынай аказалася налепка на ейным пляншэце з надпісам «Страна для жизни», піша «Радыё С**бода».
Паводле адміністрацыйнага пратаколу, Станіслава Дамшэль парушыла закон у першай палове дня 3 ліпеня на Кургане Славы ў Горадні. Увечары побач з Курганам Славы ладзілася афіцыйнае сьвяткаваньне Дня Рэспублікі.
Згода з дакумэнтам, які атрымала Дамшэль, яна 3 ліпеня «прымала ўдзел у масавым мерапрыемстве — пікетаваньні», «публічна выказвала свае грамадзка-палітычныя інтарэсы ў падтрымку кандыдата ў Прэзыдэнты Рэспублікі Беларусь Ціханоўскай С.В. з выкарыстаньнем пляншэта з наклейкай на вокладцы „Страна для жизни“».
Як расказала Станіслава Дамшэль, яна ў выходны дзень шпацыравала каля Кургана Славы. Яе пазналі жанчыны, якія праходзілі міма, і прапанавалі сфатаграфавацца разам. Пра Дамшэль пісалі мэдыя, калі яе аштрафавалі за дробнае хуліганства на пікеце Ціханоўскай 29 траўня, разьмяшчалі ейнае фота ў сеціве.
Сваёй віны жанчына не прызнае. Кажа, што не пікетавала, а проста сфатаграфавалася зь мінакамі.
Суд над Станіславай Дамшэль прызначылі на 14 жніўня.
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…