Дмитрий Фурманов за несколько дней до задержания. Фото: Руслан Кулевич
У знак пратэсту супраць незаконнага затрымання і ўтрымання ў СІЗА гродзенца Дзмітрыя Фурманава і іншых палітычных актывістаў, мама актывіста і яго дзяўчына з 26 ліпеня абвяшчаюць бестэрміновую галадоўку. Іх патрабаванні - неадкладнае вызваленне палітычных зняволеных і спыненне ў дачыненні да іх крымінальных спраў.
Гродзенскага актывіста, каардынатара ініцыятыўнай групы кандыдата ў прэзідэнты Святланы Ціханоўскай па Гродзенскай вобласці Дзмітрыя Фурманава затрымалі 29 траўня, калі ён збіраў подпісы на Савецкай плошчы. Яго абвінавацілі ў тым, што пры затрыманні ён не падпарадкаваўсяя супрацоўнікам міліцыі: упіраўся, размахваў рукамі і спрабаваў уцячы. Амаль два месяцы гродзенец з іншымі затрыманымі ў той дзень знаходзіцца ў СІЗА № 1 у Мінску і праходзіць па «справе Ціханоўскага».
Чытайце таксама: «Очнулся на полу от болевого приема». Политзаключенному Фурманову дали еще 10 суток
«Па словах адваката, Дзіму хочуць падоўжыць тэрмін зняволення яшчэ мінімум на месяц. Ён ні за што быў затрыманы, як і іншыя палітычныя актывісты ў той дзень. У нас іншага выйсця няма, каб ім дапамагчы, як абвясціць галадоўку. Мы заклікаем падтрымаць нашыя патрабаванні», — распавяла Hrodna.life дзяўчына Дзмітрыя Фурманава Вольга Каракіна.
Чытайце таксама: «ОМОН не может быть свидетелем». Дмитрия Фурманова из Гродно могут наказать дважды
У Гродне затрымалі палітычных актывістаў. Увечары 29 траўня на пікеце падчас збору подпісаў за Святлану Ціханоўскую адбыўся інцыдэнт, у выніку якога блогера Сяргея Ціханоўскага і некаторых яго прыхільнікаў затрымала міліцыя. Сярод затрыманых — сябра ініцыятыўнай групы Дзмітрый Фурманаў. Удзельніцу верагоднай правакацыі супраць Ціханоўскага апазналі ў сацсетках.
Затрыманні працягнуліся на наступны дзень. 30 траўня затрымалі актывіста Мікалая Саляніка, які днём раней вёў перамовы з кіраўніцтвам міліцыі і спрабаваў даведацца, за што быў затрыманы і дзе знаходзіцца Ціханоўскі. Праваабарончы цэнтр «Вясна» склаў спіс затрыманых у Гродне. Частку з іх перавезлі ў Мінск.
Гэта не спыніла ініцыятыўную групу Ціханоўскай. Афіцыйна было заяўлена, што падчас інцыдэнту пацярпеў міліцыянт. Узбуджаная крымінальная справа па факце гвалту ў адносінах да супрацоўнікаў органаў унутраных справаў. Нягледзячы на гэта, на наступныя дні да пікету Святланы Ціханоўскай выстраіліся чэргі — людзі стаялі, каб аддаць подпіс, нават пад дажджом.
Праваабаронцы прызналі Сяргея Ціханоўскага і іншых затрыманых у Гродне палітычнымі вязьнямі.
У выніку пад удар патрапілі і выпадковыя людзі. Увечары 29 траўня ў сацсетках пачалося цкаванне выпадковага чалавека, якога прынялі за супрацоўніка органаў у цывільным, які ўдзельнічаў у затрыманні ў Гродне. У дзяржаўных СМІ з другога боку пачалося цкаванне 81-гадовай пенсіянеркі Галіны Філіпаўны, якая падчас стрыму з Савецкай плошчы выказалася супраць Лукашэнкі і ў падтрымку Ціханоўскіх. Пенсіянерку Станіславу Дамшэль, якая 29 траўня таксама была на Савецкай, абвінавацілі ў дробным хуліганстве, але яна не пусціла міліцыю да сябе дадому. Выпадковыя людзі былі і сярод затрыманых на плошчы.
У Гродне закрываецца "VIP bar" на Дзяржынскага, 8А - не прапрацаваўшы і двух месяцаў. Ён…
Фірму-уладальніка крамы "АвтоЗапчасти" ў Гродне, ТАА "Рукша", зноў хочуць збанкруціць. Банкруцтва хочуць прызнаць праз эканамічны…
Два новенькія электрычныя пікапы Tesla Cybertruck 2023 года выпуску затрымалі літоўскія мытнікі 7 мая ў…
Будынак запраўкі “Газпрамнафты”, а таксама матэль і кафэ ля самай беларуска-літоўскай мяжы прадаюць з аўкцыёну.…
"Каманду Латушкі і Рух "За Свабоду" 8 траўня прызналі экстрэмісцкім фармаваннем. У ліку адказных за…
Праўладная актывістка Вольга Бондарава ў сваім допісе назвала нявестку Аляксандра Лукашэнкі “змагаркай”. Але пазней адрэдагавала…
