У форварда гродзенскага «Нёмана» Глеба Рассадкіна дыягнаставалі двухбаковую пнеўманія. Футбаліст знаходзіцца ў гродзенскай бальніцы, піша «Прессбол».
-У Рассадкіна двухбаковая пнеўманія, з якой Глеб ляжыць у гродзенскай бальніцы. Ён ідзе на папраўку і на наступным тыдні, калі нічога не зменіцца, яго абяцаюць выпісаць. Больш дадаць пакуль няма чаго, — сказаў галоўны трэнер каманды Ігар Кавалевіч у інтэрвью Уладзіміру Пірагу.
Каля двух тыдняў таму, 27 чэрвеня, «Нёман» гуляў у Гродне з брэсцкім «Дынама», гродзенцы перамаглі з лікам 1:0.
Пра тое, што ў 16 чалавек у камандзе брэсцкага «Дынама» каранавірус, стала вядома 6 ліпеня. Сярод тых, хто захварэў, 11 футбалістаў, трое з якіх — у бальніцы. Яшчэ пяць заражаных — з ліку абслуговага персаналу.
Першыя сігналы пра каранавірус у брэсцкім «Дынама» з’явіліся яшчэ за тыдзень да гэтага. Гаворка ішла мінімум аб трох футбалістах. Клуб прасіў Беларускую федэрацыю футбола перанесці гульню са «Смалявічамі» з 3 ліпеня на іншую дату, але дынамаўцам адмовілі, піша «Наша Н**а». Футбалісты правялі поўны матч са «Смалявічамі». Тэст, які даў станоўчы вынік, ім зрабілі толькі пасля гульні.
Успышка каранавіруса зафіксавана і ў «Гарадзеі». У трох футбалістаў каманды захворванне пацвердзілася, паведаміў 5 ліпеня «Прессбол». Выданне пісала, што адзін з іх знаходзіцца на штучнай вентыляцыі лёгкіх, але на наступны дзень «Гарадзея» абвергла гэтую інфармацыю, маўляў, у гульца проста двухбаковая пнеўманія.
Увесну спартовыя спаборніцтвы па ўсім свеце адмяняліся з-за пандэміі. Футбольны чэмпіянат Беларусі тым часам не спыняўся, калі не лічыць адзінкавых перанесеных гульняў. Зараз каранавірус упершыню сур’ёзна закрануў і беларускія каманды.
Паводле афіцыйных звестак Міністэрства аховы здароўя, па стане на 11 лютага ў Беларусі пацверджана 263 551 выпадак каранавіруса (1692 за апошнія суткі), ачунялі і выпісаны 252 068 (1990 за апошнія суткі) пацыентаў, памёрлі 1820 чалавек (9 за апошнія суткі).
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…