На выбарчым участку ў Варшаве, 28 чэрвеня 2020
У Польшчы адбылося галасаваньне ў першым туры прэзыдэнцкіх выбараў. Ніводзін кандыдат не набраў большасьці галасоў. Праз два тыдні ў другім туры за пасаду прэзыдэнта будуць змагацца дзейны прэзыдэнт кансэрватар Анджэй Дуда і лібэрал Рафал Тшаскоўскі, піша «Радыё С**бода».
Паводле вынікаў экзыт-полу на выхадзе з выбарчых участкаў сацыялягічнага агенцтва Ipsos, апублікаваных тэлеканалам TVN24, наперадзе Анджэй Дуда (41,8% апытаных), за ім — мэр Варшавы Рафал Тшаскоўскі (30,4%). На трэцім месцы — беспартыйны кандыдат Шымон Галоўня (13,3%). Астатнія кандыдаты набіраюць менш за 10%.
Дуда прадстаўляе кіраўнічую нацыянал-кансэрватыўную партыю PiS («Права і справядлівасьць»). Ён пазыцыянуе сябе як гарант уведзеных ягоным урадам сацыяльных выгодаў.
Тшаскоўскі — кандыдат ад лібэральна-дэмакратычнай апазыцыйнай Грамадзянскай кааліцыі. У выпадку перамогі ён абяцаў адмяніць праведзеную цяперашнім урадам рэформу сыстэмы юстыцыі. Яна выклікала спрэчку паміж Варшавай і Эўразьвязам.
Другі тур выбараў адбудзецца праз два тыдні.
Выбары прэзыдэнта Польшчы першапачаткова былі прызначаныя на 10 траўня. Яны былі перанесеныя з прычыны пандэміі каранавірусу. У некаторых ваяводзтвах сёньняшняе галасаваньне праходзіла выключна па пошце. На выбарчых участках былі ўзмоцнены санітарныя захады.
Фірму-уладальніка крамы "АвтоЗапчасти" ў Гродне, ТАА "Рукша", зноў хочуць збанкруціць. Банкруцтва хочуць прызнаць праз эканамічны…
Два новенькія электрычныя пікапы Tesla Cybertruck 2023 года выпуску затрымалі літоўскія мытнікі 7 мая ў…
Будынак запраўкі “Газпрамнафты”, а таксама матэль і кафэ ля самай беларуска-літоўскай мяжы прадаюць з аўкцыёну.…
"Каманду Латушкі і Рух "За Свабоду" 8 траўня прызналі экстрэмісцкім фармаваннем. У ліку адказных за…
Праўладная актывістка Вольга Бондарава ў сваім допісе назвала нявестку Аляксандра Лукашэнкі “змагаркай”. Але пазней адрэдагавала…
Загадчыца аднаго з інтэрнатаў у Гродне не ўсачыла за тым, каб паддоны электраплітаў на кухні…