У Свяцку з’явіцца бровар з рэстаранам. Абсталяванне туды паставіла чэшская фірма. Каля аднаго з вадаёмаў таксама ўзвядуць пляцоўку для аўтакэмпінга з бытавым блокам і міні-кухняй, паведамляе rgazeta.by.
На тэрыторыі Палацава-паркавага комплексу акрамя асноўнага цэнтральнага будынка знаходзяцца кацельня, стайня з карэтнай і гасцявы домік.
Унутраныя работы зараз вядуцца ў левым і правым флігелях. Тут будуць размяшчацца гасцінічныя нумары і зоны рэкрэацыі. У левым флігелі аддзелачныя работы выкананы на 90%.
Сёння ідзе рэстаўрацыя фасадаў. Яны набываюць свой першапачатковы выгляд, якім ён быў у канцы 18-га стагоддзя. Атрымалася выратаваць аб’ект ад разбурэнняў і ўмацаваць яго. Будынак абаранілі ад падтаплення грунтавымі водамі.
Ліквідавалі сырасць у сценах перакрыцця, для гэтага зрабілі сістэму дрэнажу. Таксама зрабілі прысценны дрэнаж, распавёў Анатоль Пархута, галоўны архітэктар ААТ «Гроднажылбуд». Умацавалі усе міжпаверхавыя перакрыцці і апорныя канструкцыі.
Першы паверх зрабілі больш устойлівым ў дачыненні да эксплуатацыі. Ужылі керамаграніт і тынкоўку на першых паверхах. На другім паверсе выкарыстаны паркетная дошка, глазурнае пакрыццё і тканкавыя шпалеры.
Свяцк — сядзіба, уладкаваная ў XVIII стагоддзі ў аднайменным паселішчы блізу Гродна шляхціцамі з роду Валовічаў. Галоўны дом пабудаваны па праекце італьянскага архітэктара Джузэпэ дэ Сака. Асноўныя будаўнічыя работы праходзілі паміж 1779 і 1810 гадамі.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…