Верталёт бізнес-класа Robinson R44 пачынае працаваць у Гродне ў тэставым рэжыме з 19 чэрвеня. Ён стаіць каля сінагогі на Вялікай Траецкай і бліжэйшыя два дні будзе вазіць гараджан.
На верталёце можна будзе злётаць у Мінск. Цана на палёты яшчэ не сфарміравана. У будучыні будзе запушчана анлайн-браніраванне.
Кабіна месціць 4 чалавекі: пілота і 3 пасажыраў.
«Упершыню ў Гродне рэалізуецца такі праект, — распавядае дырэктар кампаніі ТАА „Лайт-М ІнвестБуд“ Яўген Балашоў (гэтая кампанія адкрывае на Вялікай Траецкай, побач з месцам стаянкі верталёта, гасцініцу). — Зараз верталёт будзе лётаць два дні ў тэставым рэжыме, а там будзем глядзець па сітуацыі. Калі ўсё будзе добра, ён будзе пастаянна базавацца на Вялікай Траецкай».
Па словах Яўгена Балашова, на верталёце можна даляцець да Мінска за 1 гадзіну 15 хвілін.
Верталёт належыць прафесійнаму верталётнаму клубу «АвіА-100» (частка групы кампаній «А-100»). Клуб працуе ў Беларусі з 2014 года. Згодна з цэннікам клуба, паўгадзіннай палёт над Мінскам каштуе 600 рублёў.
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…