Фельчар з Ліды Павел Палейчык, якому не працягваюць кантракт на працы, сабраў 20 360 рублёў, хоць планаваў сабраць 2 000. Ён падзякаваў усіх, хто яму ахвяраваў грошы, і закрыў збор.
За два дні яму скінуліся 1 440 чалавек. Частку грошай Павел плануе аддаць на дабрачыннасць і дапамогу іншым людзям.
«Мы закрываем збор, бо сума ўжо непрыстойная велізарная, а людзі працягваюць папаўняць рахунак. УСІМ ВЯЛІКІ ДЗЯКУЙ ЗА ПАДТРЫМКУ!!! Нечакана збор атрымаўся ашаламляльным, таму пакуль планаў па выкарыстанні грошай няма, але частка абавязкова пойдзе на дапамогу іншым і дабрачыннасць. Яшчэ раз усім-усім вялікі дзякуй!" — напісаў медык на molamola.by.
8 чэрвеня стала вядома, што медыку не падоўжаць кантракт, які заканчваецца 9 ліпеня. Праблемы на працы ў фельчара пачаліся пасля сустрэчы з Сяргеем Ціханоўскім. На стрыме ў блогера Павел выказаўся пра эпідэмію ў горадзе і сітуацыю ў бальніцы. Лідскага фельчара асудзілі на сем сутак.
Дзе цяпер будзе працаваць, медык пакуль не ведае. У Лідзе ёсць прыватны медцэнтр, але, па словах Паўла, туды так проста не прабіцца. Жонка Юлія, якая таксама працуе лекарам у раённай бальніцы, знаходзіцца ў дэкрэтным адпачынку.
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…