Гродзенскія медыкі абураныя нявыплатай надбавак за працу з інфекцыямі. 21 траўня супрацоўнікі «хуткай» адправілі ў Міністэрства аховы здароўя калектыўны зварот. Ліст падпісалі каля 200 работнікаў Гродзенскай абласной станцыі хуткай медыцынскай дапамогі.
На ўмовах ананімнасці адзін з супрацоўнікаў «хуткай» у Гродне распавёў Hrodna.life, што не ўсе медыцынскія работнікі атрымалі надбаўкі паводле ўказу № 131 (за працу ва ўмовах, звязаных з інфекцыямі. — рэд.).
«Мы за сумленнае размеркаванне абяцаных выплат. Падштурхнула на зварот тое, што некалькі работнікаў атрымалі выплаты, але нават і не тыя, пра што казаў прэзідэнт. А працуюць з Covid усе, вадзіцелі ў тым ліку».
Медык кажа, што дайшло да таго, што ў калектывах супрацоўнікі пачынаюць сварыцца з-за выплат і з-за таго, хто будзе вазіць людзей з каранавірусам, за што прадугледжаны надбаўкі.
Кіраўніцтва хуткай дапамогі і абласнога прафсаюза 22 траўня правялі гутарку з супрацоўнікамі ў актавай зале БХМД. Галоўны ўрач абласной станцыі хуткай медыцынскай дапамогі Аляксандр Байгін распавёў Hrodna.life, як налічваюцца выплаты.
«Мы выплачваем ўсё, што павінныя тым, хто працуе з каранавірусам. Усе згодна з указам прэзідэнта. Але ёсць супрацоўнікі, якія жадаюць, не працуючы з інфекцыямі, атрымліваць надбаўкі. Я іх разумею — усе хочуць зарабіць, але на такое парушэнне пайсці не магу. Вось з-за гэтага і атрымліваецца разлад. Што тычыцца выездаў, то на іх адпраўляюць профільныя брыгады — тых, хто вольны, а не нейкія выбарачныя».
Паводле афіцыйных звестак Міністэрства аховы здароўя, па стане на 11 лютага ў Беларусі пацверджана 263 551 выпадак каранавіруса (1692 за апошнія суткі), ачунялі і выпісаны 252 068 (1990 за апошнія суткі) пацыентаў, памёрлі 1820 чалавек (9 за апошнія суткі).
Будынак праектуюць на набярэжнай проста пад Новым замкам, каля існага бізнес-центра на вул. Завадской, 13.…
На кухні двух інтэрнатаў навучальнай установы ў Гродне знайшлі прусакоў. Іх выявілі пры правядзенні кантролю…
Гродна і азербайджанскі горад Габала сталі гарадамі-пабрацімамі. Дамоўленасць пра гэта павінна вывесці супрацоўніцтва на новы…
Гарадскі выпускны ў Гродне ўпершыню пройдзе 14 чэрвеня. Месцам святкавання выбралі Савецкую плошчу. Падчас свята…
У Слоніме памёр 26-гадовы працоўны, які пацярпеў пры пажары дарожна-разметачнай машыны. Яго адзенне загарэлася ад…
Дыджэй з Гродна Schmoltz выступіць на дабрачынным фестывалі Belarus Outside Sound System. Там будуць збіраць…