Арэндадаўцы паніжаюць цэннік на доўгатэрміновае жыллё, а кватэры на суткі закрываюць да лепшых часоў. Рынак арэнды ў сувязі з пандэміяй каранавіруса змяняецца, паведамляе rgazeta.by.
Попыт на здымнае жыллё значна ўпаў. Уладальнікі кватэр саступаюць у кошце сваім кватэраздымальнікам. У сярэднім цэннік знізіўся на 50 долараў у эквіваленце. На «Куфары» прапануюць аднапакаёўкі за 100−120 долараў, двухпакаёўкі за 140−160. І гэта жыллё з рамонтам.
— На сённяшні дзень арэндадаўцы знізілі цану прыкладна на 20%. Уладальнікам кватэр прасцей саступіць сваім жыхарам, чым застацца з пустой нерухомасцю. Пачаткоўцаў, якія жадаюць зняць кватэру, практычна няма, — распавёў дырэктар Агенцтва нерухомасці «Цэнтр кватэр» Вадзім Карпінскі.
Студэнты, якія перавяліся на дыстанцыйнае навучанне і з’ехалі з горада, пакінулі за сабой жыллё. Бо сітуацыя можа хутка змяніцца, і ва ўніверсітэт трэба будзе зноў ісці. Замежныя студэнты на кошт не скардзяцца, але просяць даць растэрміноўку праз каранцін на іх радзіме, бо іх сваякі не могуць даслаць грошы.
Як высветлілася, уладальнікі кватэр на суткі практычна страцілі сваіх кліентаў. Фонд кароткатэрміновага жылля заняты на 10%. Праўда, прапаноўваць кватэры для доўгатэрміновай арэнды ўладальнікі не спяшаюцца.
— Гэтым уласнікам выгадна перачакаць адзін-два месяцы і пачаць зарабляць. Калі яны цяпер заселяць людзей, то давядзецца чакаць прыкладна год, бо кватэранаймальнікаў не выкінеш на вуліцу, — растлумачыў Вадзім Карпінскі.
Паводле афіцыйных звестак Міністэрства аховы здароўя, па стане на 11 лютага ў Беларусі пацверджана 263 551 выпадак каранавіруса (1692 за апошнія суткі), ачунялі і выпісаны 252 068 (1990 за апошнія суткі) пацыентаў, памёрлі 1820 чалавек (9 за апошнія суткі).
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…