facebook.com/anna.kanopatskaya
Экс-дэпутатка Палаты прадстаўнікоў Ганна Канапацкая падала ў Генпракуратуру заяву на міністра аховы здароўя Уладзіміра Караніка. Яна просіць пракуратуру правесці праверку і прыцягнуць міністра да крымінальнай адказнасці, піша euroradio.fm.
На думку Канапацкай, міністр зрабіў дзеянні, накіраваныя на максімальны распаўсюд каранавіруснай інфекцыі на тэрыторыі Беларусі; увёў у зман сваё кіраўніцтва і міжнародныя арганізацыі, даючы непраўдзівыя звесткі па захворвальнасці і смяротнасці. Акрамя таго, лічыць экс-дэпутатка, Каранік дэзінфармаваў насельніцтва наконт небяспекі распаўсюду каранавіруса.
Фота заявы Ганна Канапацкая размясціла ў сваім Facebook.
Канапацкая лічыць, што міністр не прыняў меры па належным інфармаванні кіраўніцтва дзяржавы пра сапраўдную небяспеку каранавіруса, не інфармаваў насельніцтва, не забяспечыў сваіх падначаленых належнымі сродкамі індывідуальнай і калектыўнай абароны. Акрамя таго, ён не выканаў рэкамендацыі СААЗ па арганізацыі дыстанцыйнага навучання, забароне масавых мерапрыемстваў, увядзенні мераў па сацыяльным дыстанцыяванні.
Каардынатарка ААН у Беларусі заклікала ўлады неадкладна выканаць рэкамендацыі СААЗ
У дзеяннях міністра Канапацкая бачыць парушэнне некалькіх артыкулаў Крымінальнага кодэкса: непрыняцце мер па ратаванні людзей (арт. 307), непаведамленне інфармацыі пра небяспеку для жыцця людзей (арт. 308), парушэнне санітарна-эпідэміялагічных, гігіенічных патрабаванняў і працэдур, вызначаных тэхнічнымі рэгламентамі, санітарных нормаў і правілаў (арт.336), службовы падлог (арт. 427), службовая халатнасць (арт. 428), злоўжыванне ўладай ці службовымі паўнамоцтвамі (арт. 424).
СААЗ: Беларусь на пераломным этапе, неадкладна патрэбныя новыя меры
Лукашэнка: ад каранавіруса не памёр ні адзін чалавек
Паводле афіцыйных звестак Міністэрства аховы здароўя, па стане на 11 лютага ў Беларусі пацверджана 263 551 выпадак каранавіруса (1692 за апошнія суткі), ачунялі і выпісаны 252 068 (1990 за апошнія суткі) пацыентаў, памёрлі 1820 чалавек (9 за апошнія суткі).
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…