Не ўклаліся ў тэрміны, перабоі з гарачай вадой і брудныя пад’езды. З такімі прэтэнзіямі 30 сакавіка выйшлі ў свой двор жыхары вуліцы Гагарына. Яны выказалі незадаволенасць будаўнічым і гарадскім службам, якія робяць капрамонт іх дамоў.
Дамы № 25 і № 27 паставілі на капітальны рамонт у 2019 годзе. Скончыць яго павінны былі ў пачатку 2020 года, але з-за змен падрадных арганізацый і шэрагу іншых прычын тэрміны здачы былі ссунутыя.
«Які каранавірус? У нас тут рамонт не дарабілі, — распавядае адзін з жыхароў дома № 27. — З-за гэтага ў нас ужо месяц па раніцах перабоі з гарачай вадой. Рамонт абяцалі скончыць у студзені. На дварэ ўжо красавік, але нічога не зроблена. Колькі часу гэта можа працягвацца?»
Ініцыятарамі сустрэчы з жыхарамі было гарадская ЖКГ і прадстаўнікі будаўнічай фірмы, якая зараз працуе на аб’ектах. Як аказалася, прычына зацягнутага рамонту — не толькі змена падрадчыка. Асноўная прычына — карэкціроўка праекта капрамонту дамоў канца 1950-х гадоў. Падчас работ у дамах ужо былі дэмантаваныя газавыя калонкі, іх замяняюць на індывідуальны цеплавы пункт. Цяпер жыхары дамоў не могуць прыйсці да адзінага меркавання па замене каналізацыі і электразабеспячэння.
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…