Гарадзенку з каранавірусам перавялі ў рэанімацыю, піша vgr.by, спасылаючыся на начальніцу галоўнага ўпраўлення аховы здароўя Гродзенскага аблвыканкама Алену Краткову. У хворай з’явіліся сімптомы пнеўманіі. Яшчэ адна пацыентка з Жыткавічаў (Гомельская вобласць) у цяжкім стане, пры гэтым ні яна, ні яе асяроддзе не былі за мяжой. Усяго ў Беларусі зафіксаваны 81 выпадак каранавіруса, асноўныя ачагі - Мінск і Віцебск.
У пацыенткі з Гродна, адзінай у вобласці, у каго на дадзены момант пацверджаны COVID-19, з’явіліся сімптомы пнеўманіі. Алена Краткова падкрэсліла, што ў аддзяленне рэанімацыі жанчыну перавялі не па цяжару стану (было аднаразовае павышэнне тэмпературы да 37,4 і невялікі кашаль), а з-за ускладненняў, якія могуць з’явіцца.
— Стан пацыенткі стабільны. У аўторак быў атрыманы адмоўны мазок. Знаходзіцца ў стацыянары яна будзе да моманту акрыяння.
Усе 17 чалавек яе кантактаў ўжо атрымалі другі адмоўны тэст, прыкмет хваробы ў іх няма.
Усяго ў вобласці пад наглядам знаходзіцца 491 чалавек, з іх у шпіталізаваны 56: у Гродзенскай інфекцыйнай бальніцы знаходзіцца 41 пацыент, а астатнія 15 — у інфекцыйных аддзяленнях раённых бальніц. З іх 25 чалавек — гэта кантакты першага ўзроўню, астатнія прыбылі з эпідэмічна небяспечных краін, маюць прыкметы ВРІ, але тэсты адмоўныя.
58-гадовая жыхарка Жыткавічаў з COVID-19 знаходзіцца ў стабільна цяжкім стане ў гомельскай рэанімацыі, піша n*.by. Дыягназ — двухбаковая пнеўманія.
Яе сітуацыя адрозніваецца тым, што ні жанчына, ні яе акружэнне не выязджалі за мяжу.
У жанчыны яшчэ тыдзень таму паднялася тэмпература, пачаўся сухі кашаль. У раённай паліклініцы ёй паставілі дыягназ «вострая рэспіраторная вірусная інфекцыя» і выпісалі антыбіётыкі. Вынікаў гэта не давала, і ў суботу жанчына пайшла ў Жыткавіцкую паліклініку да тэрапеўта. Пасля кансультацыі выйшла з кабінета і страціла прытомнасць. Толькі тады ў яе дыягнаставалі двухбаковую пнеўманію.
Тады ж зрабілі тэст на каранавірус — і атрымалі станоўчы вынік. Як даведалася «Радыё С**бода», жанчына працуе на адным з прадпрыемстваў начальнікам аддзела кадраў. На прадпрыемстве ўжо тры дні праводзіцца санітарная апрацоўка, лекары правяраюць тэмпературу ў супрацоўнікаў.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…