У Гродне з’явіцца яшчэ адзін раён з таўнхаусамі - малапавярховай блокавай забудовай з гаражамі. Гарадскія ўлады вылучылі для гэтага ўчастак на Дзевятоўцы ў межах вуліц Малышчанская-Белыя Росы-Старамалышчанская-Букетная. Аўкцыён на права праектавання і будаўніцтва адбудзецца 24 сакавіка.
На Дзевятоўцы плануюць пабудаваць аднакватэрныя жылыя дамы не больш як на два паверхі вышынёй да 7 м, з падваламі. Зямельны надзел плошчай 0,37 га прапануюць арендавать на 10 гадоў.
Пачатковы кошт ўчастка — 2,4 тысячы рублёў. Па ўмовах аўкцыёну, забудоўшчыку прыйдзецца пазбавіцца ад зялёных насаджэнняў, якія трапляюць пад пляма забудовы. Памер стратаў на адабранне зямельнага ўчастка і знос размешчанай на ім нерухомасці ацанілі ў 5 тысяч рублёў, яшчэ 10,3 тысячы трэба будзе выдаткаваць на падрыхтоўку дакументацыі для правядзення аўкцыёну.На нядаўнім аўкцыёне права арэнды адразу двух участкаў пад таўнхаусы на вуліцы Садакова (мікрараён Альшанка) выкупілі амаль за 1 мільён рублёў. Іх агульная плошча складае 3,2 гектара, тэрмін арэнды — 50 гадоў.
Аўкцыён пройдзе 24 сакавіка 2020 года 12.00 у будынку гарвыканкама па адрасе: г. Гродна, пл. Леніна, 2/1. Заяўкі на ўдзел прымаюць да 18 сакавіка.
Блакаваная забудова — тып малапавярховай жылой забудовы, пры якой размешчаныя ў шэраг аднатыпныя жылыя дамы блакуюцца адзін з адным бакавымі сценамі. Кожны з такіх дамоў мае асобны ўваход, невялікі кветнік і гараж.
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…
Польскія візавыя цэнтры ў Гродне і Лідзе паднялі цэну сэрвіснага збору. Зараз пры падачы на…
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…