Беларусь практычна гатовая да пастаўкі азербайджанскай нафты на Мазырскі НПЗ з тэрыторыі Украіны па нафтаправодзе «Адэса-Броды», паведаміў interfax.by першы намеснік гендырэктара — галоўны інжынер «Гомельтранснафта Дружба» Андрэй Вярыга.
«Нафтаправодная сістэма гатовая. Заканадаўчая і мытная база таксама ёсць у поўным аб’ёме. Пастаўкі пачнуцца ў сакавіку па прыбыцці танкераў, труба гатовая да працы», — сказаў Вярыга.
«У сакавіку пачнуцца пастаўкі нафты з тэрыторыі Украіны па нафтаправодзе „Адэса-Броды“. Пацвердзілі здзелку з азербайджанскай кампаніяй SOCAR на пастаўку двух танкераў нафты агульным аб’ёмам 160 тыс. тонаў», — распавёў прэс-сакратар канцэрна Аляксандр Цішчанка.
Кампанія SOCAR (Дзяржнафтакампанія Азербайджана, ГНКАР) пацвердзіла дамоўленасць па пастаўцы канцэрну «Белнафтахім» адной танкернай партыі азербайджанскай нафты аб’ёмам каля 80 тыс. тонаў. Наконт другой партыі вяліся перамовы. Танкер з азербайджанскай нафтай будзе адгружана з порта Супса.
Прэзідэнт Беларусі Аляксандр Лукашэнка 21 студзеня заявіў, што краіна будзе дамагацца таго, каб увазная з Расіі нафта складала 30−40% усіх патрэбаў, а 30% нафты Беларусь павінна імпартаваць праз краіны Балтыі і Украіну.
Нафтаправод «Адэса-Броды» пабудаваны ў 2001 годзе паміж горадам Адэса на Чорным моры і горадам Броды ў Львоўскай вобласці, дзе ажыццёўлена стыкоўка з нафтаправодам «Дружба». Нафтаправод прастойвае з 2014 года.
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…
Гродзенец Ежы Грыгенча патрапіў пад спецвытворчасць. Працэс супраць мужчыны пачалі 2 траўня 2024 года. Ежы…