У Астраўцы — райцэнтры Гродзенскай вобласці — зашкальваюць цэны на арэнднае жыллё. За двухпакаёвую кватэру хочуць $ 878 на месяц, і аб’яў з лічбамі такога парадку ў інтэрнэце нямала.
Пры гэтым «двушка» ў абласным цэнтры будзе каштаваць $ 250-$ 300 у месяц, піша euroradio.fm. У чым справа?
Недалёка ад Астраўца ўжо некалькі гадоў будуецца атамная электрастанцыя. Мясцовыя жыхары куюць жалеза, пакуль яго гарачае.
Анамальна высокія цэны заўважыў фатограф Сяргей Гудзілін. «Неяк нават смешна ўсведамляць, што, у прынцыпе, можна здаць двушку ў Астраўцы і на розніцу паспрабаваць прыстойна жыць у Мінску», — напісаў ён. «Гэта долары ці рэнтгены?» — жартуюць у каментарах.
Кошты звязаныя з недахопам жытла для будаўнікоў АЭС. Як пісалі naviny.by у 2016 годзе, у горадзе тады працаваў толькі адзін гатэль, было пару інтэрнатаў. Але месцаў для ўсіх там не хапае, і будаўнікі здымаюць кватэры.
Праз неверагодны попыт цэны на арэнду жылля тут вышэй, чым у Мінску. 150 даляраў (ад 100 тысяч недэнамінаваных рублёў у дзень, у коштах на люты 2020 — 330 рублёў) каштуе адно койка-месца ў пакоі. І гэта яшчэ старыя кошты, запэўнівае гаспадыня адной з здымных кватэр.
Паводле яе слоў, у апошні час цэны на здымнае жыллё ў Астраўцы ўпалі. Раней за кватэру прасілі і па 1000 даляраў у месяц. Але праз тое, што пабудавалі цэлы мікрараён, многія арганізацыя здымаюць кватэры для супрацоўнікаў у новабудоўлях.
«Хаця ўсё роўна кватэру ў Астраўцы вы цяпер ня набудзеце. Двухпакаёвая абыйдзецца як мінімум у 50 тысяч даляраў. А калісьці і за 25 тысяч было не прадаць».
Тры памяшканні ў будынках са статусам гісторыка-культурнай каштоўнасці ў самым цэнтры Гродна і яшчэ адно…
Мінчанка Вера Таратухіна тры гады кіравала папулярным у Гродне вінным барам "Чырвоным па белым" (пазней…
Будынак былой сінагогі ў Слоніме выкупіў дырэктар расійскага акцыянернага таварыства “Агенцтва Развіцця Перспектыўных Тэхналогій” (АРПТ).…
У Лідзе прайшлі масавыя затрыманні на дзяржпрадпрыемствах і прыватных фірмах. Трох гродзенцаў будуць судзіць завочна.…
Ураджэнца Гродна кампазітара Ежы Максімюка ўзнагародзілі найвышэйшай дзяржаўнай узнагародай Польшчы – ордэнам Белага Арла. Гэта…
На “Гродна Азот” 2 траўня 2024 года адбылася атака кіберпартызанаў. З сістэмы выдалілі дадзеныя сотняў…