Ежы Грыгенчы прысудзілі штраф у 10 базавых за ўдзел у акцыі за незалежнасць Беларусі. 14 студзеня ён паспрабаваў абскардзіць рашэнне суда Ленінскага раёна ў Гродзенскім абласным судзе. Рашэнне пакінулі без зменаў.
Падтрымаць актывіста прыйшло больш за дзесяць чалавек. Ежы заявіў адвод суддзі Уладзіміра Янкоўскага. Ён пацікавіўся, якой нацыянальнасці суддзя, паколькі не хацеў, каб яго судзіў рускі. Суддзя не адказаў на пытанне і адмовіў у адводзе.
Актывіст прасіў адмяніць пастанову суда Ленінскага раёна і спыніць справу. Ён не адмаўляў, што быў на акцыі, але настойваў, што закон не парушаў.
— Канстытуцыя павінна быць вышэй за ўсё, а не падзаконныя акты. Таму я выйшаў на пікет. Назавіце мне краіну, у якой судзяць за абарону незалежнасці! Па арт. 57 Канстытуцыі я абавязаны гэта рабіць, — казаў Ежы ў судзе.
Пасля нарады суддзя абвясціў, што суд пастанавіў пакінуць рашэнне без зменаў. Паседжанне доўжылася каля паўгадзіны.
Ежы кажа, што ён разлічваў на такі варыянт — апраўдальных прысудаў у Беларусі ўсяго 0,18 адсоткі. Ці будзе ён абскарджваць рашэнне далей у беларускія суды або Камітэт па правах чалавека, ён пакуль не ведае.
На гэтым і наступным тыдні гэтак жа разгледзяць скаргі Уладзіміра Арцымана (16-га студзеня ў 15.00), Сяргея Верамеенкі (23-га студзеня ў 14.30), Мікалая Саляніка (21-га студзеня ў 16.30) і Вадзіма Саранчукова (час будзе вядомы пазней).
На платформе molamola.by арганізавалі збор сродкаў у падтрымку актывістаў. У планах кампаніі - сабраць 3400 BYN. Таксама грошы можна пакінуць у краме «Адметнасць» на Кірава, 3.
Сезон працы гарадскіх фантанаў у Гродне адкрыюць 30 красавіка. З 20:00 у парку Жылібера запланавана…
Пра тое, за што Вольга Бондарава судзілася з гродзенскім сайтам Grodno.in, яна напісала сама. Прычынай…
Электразваршчык аднаго з прадпрыемстваў Дзятлаўскага раёна будаваў кароўнік без сродкаў абароны - фірма не ўкладвалася…
Гродзенцы патрабуюць ад чыноўнікаў растлумачыць, куды знік памятны знак, прысвечаны побыту ў Гродне нацыянальнага героя…
Таварыства з абмежаванай адказнасцю "Гроднаін", уладальнік партала Grodno.in, падало іск аб абароне дзелавой рэпутацыі да…
Каб атрымаць карту паляка, некаторыя грамадзяне Беларусі звяртаюцца ў суд. Там яны просяць памяняць нацыянальнасць…