Як паведаміў рэдакцыі lidanews.by начальнік аддзела ўнутраных спраў Лідскага райвыканкама Дзмітрый Уляшка, праваахоўнікі даведаліся аб парушэнні на тэрыторыі аднаго з лідскіх прадпрыемстваў з сеціва. Па факце жорсткага абыходжання з жывёлай распачалі праверку.
Працаўнікі прывязалі карову да грузавіка за нагу, жывёла ўпала, спрабавала падняцца, але машына пацягнула яе па асфальце.
— На месца здарэння намі быў арганізаваны выезд следча-аператыўнай групы. Па факце праводзіцца праверка, па выніках якой будзе дадзена прававая ацэнка, — адзначыў начальнік Лідскага РАУС. — Таксама на дадзены момант выяўляюцца сведкі таго, што адбылося. Грамадзян, якія валодаюць інфармацыяй, просім звярнуцца ў бліжэйшае падраздзяленне міліцыі або па тэлефоне 102.
У прамысловай зоне па вуліцы Талстога зарэгістраваны цэх па забою буйной рагатай жывёлы і свіней, які належыць Лідскім філіялу Гродзенскага аблспажыўтаварыства. Журналісты пастараліся звязацца з прадстаўнікамі кіраўніцтва гэтай арганізацыі і вышэйстаячых, каб даведацца падрабязнасці. Аднак там адказалі, што ўсе каментары па гэтым факце будуць дадзены толькі пасля правядзення праверкі яго Лідскім РАУС.
Упраўленне агульнай сярэдняй адукацыі Міністэрства адукацыі Беларусі апублікавала графік навучальнага года 2024/2025 для беларускіх школьнікаў.…
За ўвесь час, колькі ідзе адбудова Любчанскага замка, у ім аднавілі частку абарончых сцен і…
У Гродне ўжо некалькі месяцаў затрымліваюць і судзяць за падпіску на паблік “Новости Гродно |…
Другі ў горадзе шматузроўневы паркінг адкрытага тыпу пабудуюць у новым мікрараёне Грандзічы-23. Ужо адбываецца закладка…
Каля Каложскай царквы 18 траўня адкрылі званіцу. Папярэдне планавалася, што званы ўпершыню прагучаць у Дзень…
За распаўсюд экстрэмісцкіх матэрыялаў у Іўі судзілі пастыра. Верагодна, гаворка ідзе пра Юрыя Гардзея, пастыра…