Пытанне, якое мучыць беларусаў ужо другі месяц, да гэтага часу не закрыта. У кастрычніку неабыякавыя стварылі пэтыцыю: патрабавалі выхадныя 31 снежня і 2 студзеня. Без пераносаў. Тры тыдні таму прэм’ер-міністр Сяргей Румас абяцаў вывучыць пытанне. Onliner спытаў у прэс-службе Саўміна, як прасоўваецца вывучэнне.
— Я да гэтага часу не разумею, чаму 31 снежня просяць выхадны, мне трэба лепш паглыбіцца, — заўважыў у пачатку лістапада Румас. — Пра 2-е я больш разумею: аднаго дня мала. А вось пра 31-е чаму?
— Паехаць у госці, прыгатавацца, — патлумачылі журналісты.
— Добра, я абяцаю, што я вывучу гэтае пытанне, — адзначыў прэм’ер-міністр. — Я пагляджу гэтую петыцыю. Урад выходзіў з ініцыятывай, каб зрабіць выхадны 2 студзеня, а пра 31-е ніхто не казаў. Я і не думаў, што гэта такая вялікая праблема.
Сёння ў прэс-службе Савета міністраў Onliner удакладніў, ці ёсць рашэнне ад прэм’ер-міністра.
— Пакуль ніякай інфармацыі няма, — адказалі на тым канцы провада.
Нагадаем, у кастрычніку на сайце petitions.by з’явіўся перадкалядны зварот да Саўміна і Мінпрацы. Беларусы хочуць адпачываць тры дні запар — з 31 снежня па 2 студзеня. І не адпрацоўваць за гэта па суботах. На дадзены момант зварот падпісалі амаль 16 тысяч чалавек.
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…