Міжрэгіянальны бізнес — форум «Жанчыны, якія змяняюць свет» пройдзе ў Гродне 12 кастрычніка ў канферэнц-зале Апарт Гатэля Сямашка. Форум збярэ 60 прадстаўніц бізнесу з усёй краіны. Удзельніцы падзеляцца вопытам і даведаюцца аб праграмах падтрымкі жаночага прадпрымальніцтва ў Беларусі. Для ўдзелу ў форуме трэба запоўніць заяўку.
Спікерамі форуму стануць вопытныя і маладыя прадпрымальніцы, якія пачалі уласную справу, а таксама прадстаўніцы арганізацый, якія аказваюць падтрымку для жаночага бізнесу.
Марына Бароўка, намеснік генеральнага дырэктара па сувязях з грамадскасцю Унітарнага прадпрыемства «Кока-Кола Беўрыджыз Беларусь» раскажа аб праектах кампаніі для жанчын і аб міжнароднай навучальнай праграме для моладзі YouthEmpowered. Яны створаны для падтрымкі жаночага і моладзевага прадпрымальніцтва.
Алёна Лугаўцова, заснавальнік і кіраўнік праектаў «Архітэктары мары» і «Інкубатар мары», псіхолаг і бізнэс-трэнер з вопытам міжнароднай працы, раскажа, як перайсці ад мары да бізнэсу.
Аксана Шаўчэнка з Гомеля, сузаснавальніца кампаніі Фабрыка дзяцінства «Метэарыт» і школы сацыяльнага прадпрымальніцтва раскажа, як весці бізнес з карысцю для грамадства.
Усяго на форуме выступяць больш за 10 жанчын-спікераў, якія падзеляцца вопытам у бізнэсе. Хтосьці з іх пачаў бізнэс у дэкрэтным адпачынку, іншыя ператварылі ў бізнес ўласнае хобі, трэція — пачалі прадпрымальніцтва, каб працягнуць сямейную справу.
Па словах адной з арганізатарак сустрэчы, прадпрымальніцы і кіраўніцы праекту «Акадэмія жаночага бізнэсу» Таццяны Чысцякова з Гродна, форум дапаможа стварыць супольнасць жанчын, зацікаўленых у арганізацыі ўласнай справы. Актуальнасць задачы пацвярджае статыстыка Мінпрацы. У 2018 годзе агульная колькасць беспрацоўных жанчын складала 32 тысячы, з іх — каля 14 тысяч — пражываюць у рэгіёнах. Для іх уласны бізнэс — гэта магчымасць змяніць сваё жыццё і свет вакол сябе.
Бізнес-форум у Гродне стане яшчэ адным крокам да развіцця інфраструктуры падтрымкі жаночага прадпрымальніцтва, а таксама закладзе аснову партнёрскай праграмы ўзаемадзеяння паміж удзельніцамі.
На бізнес-форум запрашаюць жанчын, якія ўжо вядуць уласную справу або плануюць яго пачаць. падаць заяўку на ўдзел можна тут.
Форум арганізаваны пры падтрымцы Гродзенскага абласнога ўпраўлення фінансавай падтрымкі прадпрымальніцтва, Генеральны спонсар Унітарнае прадпрыемства «Кока-Кола Беўрыджыз Беларусь», Залатога партнёра ААТ «Белаграпрамбанка», спонсара Апарт Гатэль Сямашка, а таксама іншых спонсараў і партнёраў.
Найхутчэйшы рост цэн на харчовую прадукцыю ў Беларусі назіраецца ў Гродзенскай вобласці. За першы квартал…
Гродзенскіх школьнікаў прывялі ў ізалятар часовага ўтрымання. Гэта адбылося ў межах экскурсіі, паведаміла прэс-служба Упраўлення…
У цэнтры Гродна дабудоўваюць офіс IT-кампаніі “Афранс”. Ён будзе складацца з двух будынкаў на вуліцы…
Атрымаць тавары з-за мяжы павінна была рэлігійная місія Дабрачыннага каталіцкага таварыства «Карытас» Гродзенскай дыяцэзіі. Памежнікі…
На вуліцы 17 верасня, 59/3 можна набыць кватэру ў цалкам адрэстаўраваным будынку 1925 года пабудовы.…
У Гродне пачаўся рост цэн за арэнду кватэры на майскія святы. Гэта звязваюць з плынню…